Agjencia Zhurnal.mk
Bota

Biden: 90% e të rriturve amerikanë do të kenë të drejtë vaksinimi në prill

Presidenti i Shteteve të Bashkuara, Joe Biden, tha se 90 për qind e të rriturve në SHBA do ta kenë të drejtën për vaksinim kundër koronavirusit deri më 19 prill.

“Për shumicën dërrmuese të të rriturve: nuk do të duhet të prisni deri më 1 maj. Ju do të keni të drejtë për t’u vaksinuar deri më 19 prill”, tha Biden.

Më herët, ai ka përmendur 1 majin si datë kur të gjithë të rriturit amerikanë do të mund të vaksinohen.

Duke folur të hënën në Shtëpinë e Bardhë, Biden tha SHBA-ja do të rrisë numrin e farmacive që marrin pjesë në programin federal të vaksinimit, nga 17,000 sa është aktualisht, në 40,000.

Ai po ashtu tha se një rekord prej 33 milionë vaksinash do të vihen në dispozicion në vendet e vaksinimit këtë javë.

Biden tha se beteja kundër koronavirusit është ende “larg fitores” dhe u bëri thirrje qytetarëve që t’iu kushtojnë vëmendje paralajmërimeve për virus.

“Ne jemi në një garë jete dhe vdekjeje me virusin që po përhapet shpejt”, tha Biden në fjalimin televiziv.

Shtetet e Bashkuara kanë numrin më të madh të të infektuarve me koronavirus: mbi 30 milionë.

Prej tyre, mbi 549,000 pacientë kanë humbur jetën.

Në të gjithë botën, koronavirusi ka prekur mbi 127 milionë njerëz. Mbi 2.7 milionë kanë vdekur dhe mbi 72 milionë janë shëruar.

SHBA-ja përdor tri vaksina për imunizimin e popullatës: Pfizer/BioNTech, Moderna dhe Johnson&Johnson.

Postime të ngjashme

Spanja do të falë politikanët e dënuar katalanas

Dafina Vidishiqi

India vaksinoi mbi 8 milionë njerëz në një ditë

Dafina Vidishiqi

SHBA, BE, Kanadaja dhe Britania, sanksione të përbashkëta kundër Bjellorusisë

Dafina Vidishiqi

Vuçiq pritet të flasë para deputetëve për dialogun me Kosovën – por çfarë kishte thënë në vitin 2019?

Dafina Vidishiqi

Kryeministri britanik: Besojmë se më 19 korrik do të kemi lehtësim të masave kundër COVID-19

Dafina Vidishiqi

Rusia ndalon një OJQ arsimore amerikane

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...