Agjencia Zhurnal.mk
Bota

Biden: Nuk po kërkoj konflikt

Presidenti i SHBA-së Joe Biden deklaroi sot në fund të samitit G7 se kolegu i tij rus Vladimir Putin kishte të drejtë kur deklaroi se marrëdhëniet midis dy vendeve ishin në nivelin më të ulët në vitet e mëparshme.

“Marrëdhëniet janë në një nivel të ulët dhe varen nga mënyra se si ai do t’i përgjigjet normave ndërkombëtare, pasi në shumicën e rasteve nuk i përgjigjet,” u tha Biden gazetarëve në Kerbis Bay, Britani të Madhe, raporton Reuters.

Biden shtoi se ai i tha Putinit para se të zgjidhej se do të kontrollonte nëse lideri rus ishte i përfshirë në zgjedhjet amerikane.

“Kam kontrolluar sepse kisha qasje në inteligjencë. Ai ishte i përfshirë në ato aktivitete. Unë e lashë të kuptojë se do të përgjigjesha,” tha Biden.

Presidenti amerikan, i cili do të takohet me Putinin në Gjenevë më 16 qershor, tha se të dy ata nuk do të kërkojnë një arsye për konfliktin, por do të shkojnë për të zgjidhur çështje që ata i konsiderojnë të papajtueshme me normat ndërkombëtare.

“Përfundimi është se mënyra më e mirë për të zgjidhur problemet është të takohemi dhe të bëjmë një bisedë. Unë e di që nuk keni dyshim se do të jem shumë i drejtpërdrejtë. Siç thashë – nuk jam duke kërkuar një konflikt”, tha Biden.

Ndryshe, sekretari amerikan i Shtetit Antony Blinken deklaroi sot më herët për Fox News marrëdhëniet midis Moskës dhe Uashingtonit janë të këqija.

Duke folur për pritjet nga takimi, Blinken tha se Moska dhe Uashingtoni po përpiqen të ulin retorikën negative, por që “nuk duhet mashtruar për këtë çështje”.

Ai gjithashtu deklaroi pritjet kryesore nga takimi me presidentin amerikan – vendosja e një dialogu të drejtpërdrejtë dhe krijimi i një mekanizmi që funksionon me të vërtetë në fusha të shumta për të cilat ka interes të përbashkët.

Postime të ngjashme

Kinën dhe Rusinë i bashkon biznesi në Serbi

D V

Policia ukrainase e gjen të varur aktivistin e zhdukur bjellorus

D V

Papa Françesku do të takohet me romët e Sllovakisë

D V

Iranit do t’i përgjigjemi në mënyrë kolektive, thotë SHBA-ja

D V

Kina jep 350 milionë doza vaksina për partnerët e nismës “Një brez, një rrugë”

Z H

Kinë, vlera industriale e sistemit të navigimit satelitor “Beidou” do të zërë 25 % të tregut global

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...