Agjencia Zhurnal.mk
Bota

Bjellorusia kërcënon se do të përdorë armë vdekjeprurëse kundër protestuesve

Bjellorusia kërcënoi se do të hapë zjarr kundër protestuesve që dalin në rrugë për të kërkuar dorëheqjen e udhëheqësit bjellorus, Alyaksandr Lukashenka.

Zëvendësministri i Brendshëm, Gennady Kazakevich, tha përmes një video-deklarate se autoritetet “do të garantojnë rendin në vend”.

“Personeli i zbatimit të ligjit dhe trupat e brendshme do të përdorin pajisje speciale dhe armë vdekjeprurëse nëse është e nevojshme”, tha Kazakevich.

Deri më tash, forcat e sigurisë kanë pranuar se kanë përdorur topa uji, plumba gome dhe granata tymi për të shpërndarë protestuesit.

Kazakevich tha se protestat janë bërë “jashtëzakonisht radikale”, me protesteus që hedhin gurë dhe shishe në drejtim të policisë.

Protestuesit, tash e sa javë, kanë organizuar tubime paqësore në Bjellorusi kundër rizgjedhjes së diskutueshme të Lukashenkës në zgjedhjet presidenciale të 9 gushtit.

Autoritetet u janë përgjigjur brutalisht protestave, me rrahje dhe arrestime masive.

Lukashenka pretendon se i ka fituar bindshëm zgjedhjet, por, sipas opozitës bjelloruse dhe grupeve monitoruese, zgjedhjet janë manipuluar në favor të Lukashenkës.

Shtetet e Bashkuara dhe Bashkimi Evropian nuk i kanë njohur rezultatet e zgjedhjeve të 9 gushtit në Bjellorusi./REL

Postime të ngjashme

Kush është mjeku shqiptar që tentoi ta shpëtojë Kryetarin e Zagrebit që vdiq pardje

T E

Dilema false e rrezikut pas vaksinimit

T E

Masa më të ashpra kundër Coronavirusit në Malin e Zi

T E

Macron: Të nevojshme edhe disa javë para lehtësimit të masave antiCOVID-19

T E

Sllovakia pranon dozat e para të vaksinës ruse

T E

Orban kërcënon të nxjerrë partinë e tij nga grupi i Partisë Popullore Evropiane

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...