Agjencia Zhurnal.mk
Showbiz

Bjellorusia përjashtohet nga “Eurovisioni”

Shteti i Bjellorusisë është përjashtuar përfundimisht nga gara e sivjetme e “Eurovisionit”.

Unioni i Transmetuesve Evropianë, i cili është edhe realizuesi i festivalit të madh evropian, ka njoftuar përmes një deklarate zyrtare se Bjellorusia nuk do të jetë pjesë e festivalit këtë vit.

“Të Mërkurën, më 10 mars i kemi shkruar transmetuesit BTRC, i cili është përgjegjës për hyrjen e Bjellorusisë në Konkursin e Këngës “Eurovision”, për të kërkuar që ata të marrin të gjitha hapat e nevojshëm për të ndryshuar hyrjen e tyre në ngjarjen e këtij viti për t’u siguruar që ajo është në përputhje me rregullat e konkursin. Pas kësaj BTRC paraqiti një këngë të re, nga të njëjtët artistë, brenda një afati kohor të rënë dakord”, thuhet në deklaratë.

Tutje, EBU shkruan se pavarësisht se shteti bjellorus paraqiti një këngë të dytë, prapëseprapë kënga kishte mospërputhje me rregullat e Eurovisionit.

“EBU dhe Grupi i Referencës, bordi drejtues i Konkursit, shqyrtuan me kujdes hyrjen e re për të vlerësuar të drejtën e saj për të konkurruar. U konkludua që paraqitja e re ishte gjithashtu në shkelje të rregullave të konkursit që sigurojnë që konkursi nuk është i instrumentalizuar ose sjellë në mosrespekt. Ndërsa BTRC nuk ka arritur të paraqesë një hyrje të pranueshme brenda afatit të zgjatur, për fat të keq, Bjellorusia nuk do të marrë pjesë në konkursin e 65-të të këngës në “Eurovision në maj”, thuhet në deklaratën zyrtare të EBU-së.

Bjellorusisë fillimisht I ishte tërhequr vërejtja për këngën me mesazhe politike, e cila bie ndesh me nenin 2.7 të kontratës zyrtare të fesitvalit të këngës, “Eurovision”.

Kënga e pare e përzgjedhur e titulluar “Ya Nauchu Tebya” u kritikua për tekstin që kishte nënvizime politike që tallen me lëvizjen Bjelloruse pro-demokracisë. Populli i Bjellorusisë ka marshuar në rrugë për muaj me radhë për të protestuar kundër regjimit të Presidentit Alexander Lukashenko. Teksti i këngës “Ya Nauchu Tebya” kërkon ndjekjen e rendit të vendosur.

Bjellorusia ndër vite në “Eurovision”:

Bjellorusia nuk ka pasur një sukses relativisht të madh ndër vite në “Eurovision”. Ata kanë marrë pjesë çdo vit që nga viti 2004, por u kualifikuan në finale vetëm gjashtë here.

Rezultati i tyre më i mirë është mbetet vendi I gjashtë në vitin 2008 me këngën “Work Your Magic” të kënduar nga Dmitry Koldun. Ky është pozicioni i tyre i vetëm ndonjëherë në Top-15 në “Eurovision”.

Postime të ngjashme

Dua Lipa arrin një sukses me “We’re good” në Amerikë

Dafina Vidishiqi

Arbana Osmani e nis fundjavën në mënyrën më të mirë

Dafina Vidishiqi

Kejvina thekson fizikun në veshje sportive në palestër

Dafina Vidishiqi

Vesa pret me padurim rikthimin në vendlindje dhe performancat në skenë

Dafina Vidishiqi

Ju garantojmë me 99% se nuk keni parë kurrë një fund si ky i Kendall Jenner!

Dafina Vidishiqi

Fero e Arbenita kthehen me vajzën në shtëpi, i bëjnë pritje madhëshotre

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...