Blerim Bexheti: Zgjedhjet në Saraj do t’i fitoj në raundin e parë

Shkup, 30 shtator – Kryetari aktual i Sarajit, Blerim Bexheti, beson që mandatin e tretë në krye të kësaj komune do ta sigurojë që në raundin e parë të zgjedhjeve lokale, më 17 tetor. Në një intervistë ai tha se në këto zgjedhje garon me programin më të mirë.

 

“Çdo kandidat besoj që hyn për të fituar zgjedhjet, që të realizon programin. Ne me bindje të thellë kemi program më të mirë. Kemi program që ngërthen jetën e qytetarëve të Komunës së Sarajit, që të bëjnë një jetë më të mirë. Nëse nisemi prej parimit të motos të BDI-së, “Zgjidh jetë, voto blertë”, ku është një fushëveprim i gjerë i rregullimit të gjërave në program. Nëse i referohemi punëve aktuale, ne presim që në raund të parë të i kryejmë këto procese”, u shpreh Bexheti për gazetën LAJM.

Më tej, ai tha se Saraji edhe pas këtyre zgjedhjeve do të mbetet bastion i BDI-së.

“ Nëse e shikojmë programin në tërësi dhe fokusin që kemi. Si pikë të parë kam zgjedhur energjetikën, infrastrukturën, infrastrukturën nëntoksore, dislokimin e rrjeteve nëntoksore dhe kështu me radhë. Ne jo që planifikojmë të ruajmë bastionin tonë, me që këtë bastion e kanë bërë qytetarët e komunës, të cilët kanë qenë të kënaqur prej politikave të BDI-së. Unë më bindje te thellë mund të themë se, jemi opcioni i vetëm që dimë ta zhvillojmë Komunën e Sarajit. Sigurisht që deri tani edhe pse fjalën përfundimtare e kanë qytetarët më 17 tetor, të priturat tona janë që përkrahja të shtohet edhe më tepër në çdo cikël zgjedhor. Pres që gjithë këtë program ta përkrahin, ta përqafojnë shumica absolute e qytetarëve. Që pas 17 tetorit të fillojmë ta zbatojmë këtë program dhe ta rrumbullaksojmë fitoren tonë. Sigurisht që do të mbetet bastion i mbështetjes që buron nga ana e qytetarëve, për politikat e Bashkimit Demokratik për Integrim”, tha Blerim Bexheti.

Related posts

FRASH i “lulëzon” gropat e rrugëve të Tetovës!

D V

BDI-ja fushatën parazgjedhore e vazhdoi sonte në Hasanbeg

Redaksia

Bejta premton zgjidhjen e problemeve me deponitë e paligjshme, qentë endacakë dhe kazinot

D V

This website uses cookies to improve your experience. We'll assume you're ok with this, but you can opt-out if you wish. Accept Read More