Shkup, 21 shtator – Niveli i investimeve kapitale po rritet çdo ditë. I bëjmë analizat e fundit për kuartalin e tretë. Pritjet e mia janë se buxheti ynë bazë të jetë mbi 60 për qind në kuartalin e tretë, ndërsa deri në fund të vitit presim 80 për qind. Në mënyrë aktive punojmë në atë, në mënyrë aktive punojnë të gjitha ministritë kompetente me qëllim që të injektojmë sa më shumë mjete në ekonomi në ndërtimin e rrugëve, kopshteve, ujësjellësit, kanalizimeve, shkollave, sallave sportive dhe gjithçka që është e rëndësishme për nxitjen e ekonomisë, tha sot ministri i Transportit dhe Lidhjeve, Bllagoj Boçvarski.
Siç deklaroi Boçvarski, pritet në shtator, tetor, por edhe në nëntor, kur sezoni ndërtimor ende është aktiv, investimet kapitale të vazhdojnë të rriten.
Në lidhje me ndërtimin e autostradës Kërçovë-Ohër, Boçvarski informon se aneksi i pestë me të cilin vazhdon Marrëveshja dhe i cili duhet të realizohet përmes ndryshimit dhe plotësimit të ligjit, tashmë është dorëzuar në Kuvend.
“Apeli im është për të gjitha partitë politike sa më parë ta votojnë aneksin e pestë që të mundet plotësisht të përforcohen aktivitetet në pjesën e ndërtimit të autostradës Kërçovë-Ohër. Ne i mënjanuam çështjet rrjedhëse dhe të gjitha problemet nga e kaluara dhe tani presim sa më parë të miratohet dhe votohet ky ligj, gjegjësisht plotësimi i Ligjit për ndërtimin e autostradës Kërçovë-Ohër që të mund të vazhdojmë me tempo dhe dinamikë ende më të fuqishme, ndërsa gjithsesi edhe sipas afateve që janë dhënë në këtë Marrëveshje, të përfundojë deri në fund të vitit 2025 gjithë autostrada me nënseksione, me të gjitha çështjet e zgjidhura, por me ç’rast edhe shteti t’i mënjanojë çështjet që paraqiten në periudhën e ardhshme”, potencon Boçvarski.