Agjencia Zhurnal.mk
Maqedoni

Borelli letër Dimitrovit: Të jeni të sigurt për përkushtimin tim për integrimin e Maqedonisë së Veriut në BE

Shkup, 29 shtator, zhurnal.mk – Me pa durim e pres miratimin e Kornizës negociatore dhe mbajtjen e konferencës së parë ndërqeveritare dhe jini të sigurt në përkushtimin tim personal për integrimin e Maqedonisë së Veriut në BE, thekson përfaqësuesi i lartë i Unionit për Punë të Jashtme dhe të Sigurisë në letrën dërguar zëvendëskryeministrit të angazhuar për Integrime Evropiane Nikolla Dimitrovit.

Duke ia uruar emërimin në detyrën e re, Borelli në letër i shpreh falënderim të sinqertë Dimitrovit për “përpjekjet e vazhdueshme dhe përkushtimin në afrimin e Maqedonisë së Veriut drejt BE-së”.

“Roli juaj në negociatat e suksesshme, nënshkrimi dhe ratifikimi i Marrëveshjes së Prespës, e cila shërben si shembull për pajtim në të gjithë Evropën, do të mbetet pjesë e qëndrueshme e trashëgimisë suaj si ministër i Punëve të Jashtme”, shton Borelli.

Ai më tej në letër thekson se me pa durim pret që së bashku me Dimitrovin të punojnë në hapat e ardhshëm të vendit në rrugën drejt BE-së, në zbatimin e agjendës reformuese evropiane, si dhe në përforcim shtesë të marrëdhënieve të mira fqinjësore.

“Ballkani Perëndimor është pjesë e Evropës dhe e di se e ndani vendosmërinë time që ta shoh Maqedoninë e Veriut, si dhe rajonin në tërësi, si përparon në realizimin e perspektivës evropiane”, thekson Borelli në fund të letrës dërguar Dimitrovit.

Postime të ngjashme

Ministri Hoxha takon bujqit e Haraçinës, premton mbështetje institucionale

R Zh

Premtime të rrejshme me afatet për kontestin maqedono-bullgar

R Zh

Carovska mori pjesë në promovimin e studentëve të diplomuar të gjeneratave të reja në Universitetin e Evropës Juglindore

R Zh

Regjistrohen 21 persona me Kovid-19, një i vdekur dhe shtatë të shëruar

R Zh

Spasovski: Ballkani në BE më lehtë do ta mbrojë Evropën nga krimi

R Zh

Kryeministri Zaev hap zyrë në Strumicë për takime me qytetarë

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...