Agjencia Zhurnal.mk
Bota

Borrell pas vizitës në Moskë: Ata janë të pamëshirshëm

Kryediplomati i Bashkimit Evropian, Josep Borrell, tha se vizita e tij në Moskë, javën e kaluar, ka treguar se Rusia po shkon drejt një “rruge shqetësuese” dhe “autoritare”, që mbyll demokracinë dhe shtetin e së drejtës.

Duke raportuar para Parlamentit Evropian për udhëtimin e tij në Moskë, Borrell tha se Kremlini nuk e ka ndërmend të zhvillojë marrëdhënie konstruktive, nëse të drejtat e njeriut janë pjesë e diskutimeve.

“Ata janë të pamëshirshëm”, tha Borrell pasi vizitoi Moskën nga data 4 deri më 6 shkurt.

“Struktura aktuale e pushtetit në Rusi, e kombinuar me interesat ekonomike, kontrollin ushtarak dhe politik, nuk lë asnjë hapësirë për sundimin demokratik të ligjit”, shtoi Borrell.

Marrëdhëniet midis Moskës dhe BE-së janë acaruar prejse Rusia ka aneksuar gadishullin ukrainas të Krimesë, më 2014, dhe vazhdon të mbështesë separatistët që luftojnë forcat qeveritare në lindje të Ukrainës.

Së voni, helmimi i politikanit rus të opozitës, Aleksei Navalny, me një agjent nervor, dhe arrestimi i tij pas kthimit nga Gjermania, ku ka bërë trajtimin, i ka vënë marrëdhëniet midis Rusisë dhe BE-së në udhëkryq.

“Vendet anëtare do të vendosin për hapat e ardhshëm, por po, ata mund të përfshijnë sanksione”, tha Borrell.

Ai tha se propozimet konkrete kundër Rusisë ka gjasa të diskutohen në një takim të ministrave të Jashtëm të BE-së më 22 shkurt dhe në një samit të BE-së në mars.

Postime të ngjashme

Nga fillimi i pandemisë së coronavirusit, në Brazil kanë humbur jetën 500.000 njerëz

D V

Derisa po hapnin bunarin gjetën një safir në Shri Lankë, më të madhin në botë – vlera e tij është rreth 100 milionë dollarë dhe peshon 510 kilogramë

D V

SHBA kundërshton thirrjen e OBSH-së për të pezulluar vaksinimin

D V

Eksperti francez: Dalja e virusit nga laboratori i Wuhan-it, plotësisht e pamundur

Z H

Numri i rasteve globalisht nga coronavirusi shkon mbi 200 milionë

D V

Vërshimet mund të rrezikojnë më shumë miliona njerëz

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...