Agjencia Zhurnal.mk
Shqipëri

Bylykbashi: Edi Rama po përpiqet të manipulojë listat e zgjedhësve

Ish-deputeti i Partisë Demokratike, Oerd Bylykbashi, akuzon Kryeministrin Edi Rama se po tenton të manipulojë listat e zgjedhësve me qëllim që ditën e votimeve më 25 prill të krijohet kaos dhe qytetarët të mos kenë mundësi të zgjedhin.

Përmes një postimi në “Facebook”, anëtari i Këshillit Politik për Reformën Zgjedhore, Oerd Bylykbashi, akuzon Kryeministrin Rama se po përdorë të njëjtën skemë për të manipuluar zgjedhjet si në vitin 2003, kur donte që të rikonfirmohej në krye të bashkisë së kryeqytetit.

“Njësoj si në zgjedhjet për bashkinë, të vitit 2003, kur për t’u rizgjedhur kryetar i Bashkisë së Tiranës, e çoi burrin e familjes në listën e zgjedhësve në Kombinat dhe gruan e çoi te QSUT-ja dhe kështu shpërndau mijëra zgjedhës nga një cep i Tiranës në tjetrin, tani Edi Rama po përpiqet të manipulojë listat e zgjedhësve me të njëjtën skemë. Zgjedhës që banojnë e votojnë prej 20 apo 30 vitesh në Tiranë apo qytete të tjera, i ka degdisur me vendbanim nëpër Shqipëri pa e ditur qytetarët. Qytetarët po ankohen përditë se shteti ua ka ndryshuar vendbanimin pa i pyetur dhe pa kërkesë të tyre, siç urdhëron ligji. Shkojnë për të marrë një certifikatë dhe e gjejnë veten të “internuar” në qytet apo fshat tjetër.

Kjo është e paligjshme dhe përbën vepër penale. Ndryshimi i fundit i ligjit të Gjendjes Civile me ndikim në zgjedhje, vetëm 5 muaj para zgjedhjeve, ýndryshim me të cilin qeveria heq sanksionet ýpër mosdeklarim të vendbanimit, janë vetëm një përpjekje e radhës e Ramës që të legjitimojë shkeljet dhe kaosin e listave të zgjedhësve.

Çdo manipulim në regjistrat e Gjendjes Civile është manipulim i listave të zgjedhësve. Edi Rama po i kthen standardet e zgjedhjeve te niveli skandaloz i viteve 2000-2003. Por, këto manipulime të trasha po dalin mbi ujë, do të bllokohen dhe shkelësit e ligjit deri te nëpunësit e Gjendjes Civile që falsifikojnë të dhënat do të përgjigjen.”, shkroi Bylykbashi.

Në vazhdën e kësaj tentative ishte sipas bylykbashit edhe ndryshimi i ligjit për Gjendjen Civile, që sipas tij me të drejtë u kthye nga Presidenti.

“Presidenti i Republikës ia ktheu mbrapsht këtë ligj me shkelje të standardeve të zgjedhjeve. Me shumë të drejtë ai ngriti alarmin për këtë përpjekje për manipulim ýtë listave nga qeveria. Por, Edi Ramës nuk i shohin sytë kur afron humbja e zgjedhjeve. Kur ka frikë se humb ai përpiqet te shkatërrojë zgjedhjetý. Pavarësisht tentativave të dëshpëruara, me 25 prill 2021 ai thjesht humb”, Shkroi Celibashi.

Postime të ngjashme

Rama poston videon e veçantë nga karnavalet e Korçës

Bekim Laçi

Shembja e Teatrit, nis seanca e tretë në “Kushtetuese”

Bekim Laçi

Ndërtimet e paligjshme në bregdet/ Disa të arrestuar dhe të shpallur në kërkim në Himarë

Bekim Laçi

Eksportet drejt Maqedonisë së Veriut, rritje me mbi 700 milionë lekë

Bekim Laçi

Vaksinimi, 42,781 vaksinime deri tani për arsimtarët, mbi 25 mijë me dy doza

Bekim Laçi

Një i vdekur dhe 8 raste të reja me COVID-19 në Shqipëri

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...