Maqedoni

Carovska: Ora e parë akademike në kushte të pandemisë, kjo është sfidë që së bashku do ta tejkalojmë

Zhurnal Ads

Shkup, 1 tetor – Ministrja e Arsimit dhe Shkencës Milla Carovska sot ishte e pranishme në orën e parë akademike në Fakultetin Filozofik në Shkup, e cila u realizua në kushte të pandemisë me Kovid-19.

Duke u dëshiruar një fillim të mbarë dhe të suksesshëm të vitit akademik, Carovska theksoi se sot është një ditë e madhe për Fakultetin Filozofik në Shkup, por edhe për studentët që e fillojnë këtë proces arsimor, por fatkeqësisht në kushte të ndryshme prej të kaluarës, për shkak të pandemisë.

“Para të gjithë neve, veçanërisht para të rinjve, ekziston një periudhë e sfidave që do të duhet t’i tejkalojmë dhe prej tyre të dalim më të fortë, por jam e bindur se nëse përkushtohemi fort me entuziazëm dhe vendosmëri në atë që do ta bëjmë do të arrijmë një suksese të rëndësishme. Kovid-19 na imponoi rregulla të reja dhe na lëvizi planet tona, por këto sfida na bëjnë më të fortë dhe më të mençur, theksoi Carovska.

Ministrja, njëkohësisht e uroi edhe shënimin e një jubileu jashtëzakonisht të rëndësishëm për arsimin e lartë dhe shkencën në vendin tonë – 100 vjet nga themelimi i fakultetit.

“Një shekull i arsimit të lartë në Fakultetin Filozofik në Shkup flet për traditën e gjatë dhe potencialin e madh shkencor në fushën e shkencave humane dhe shoqërore, të cilat Fakulteti Filozofik i ndërton dhe krijon që nga viti 1920”, tha ministrja, duke shtuar se plejada e mendjeve të reja, studentë , hulumtues, profesorë të cilët me kalimin e viteve janë krijuar si një kuadër që ka dalë nga Fakulteti Filozofik e kanë ndërtuar dhe sot e ndërtojnë shoqërinë tonë përmes degëve të saj kryesore.

Rezultatet, potencoi Carovska, nga ndikimet e kuadrove dhe kontributi shkencor që del nga Fakulteti Filozofik është një dëshmi se pa arsimin e lartë nuk mund të funksionojë asnjë instancë tjetër në shoqëri .

Zhvillimi, edhe atë veçanërisht zhvillimi gjithëpërfshirës dhe i qëndrueshëm i shoqërisë, pa dyshim ka të bëjë me atë për të cilën Fakulteti Filozofik qëndron përmes programeve strategjike shkencore-mësimore. Kjo është një dëshmi për synimin e përgjithshëm të fakultetit “jo shkencë vetëm për shkak të shkencës, por shkencë për shkak të shoqërisë më të mirë për të gjithë”, theksoi ministrja e Arsimit dhe Shkencës Milla Carovska.

Postime të ngjashme

LSDM: Çdo subjekt që shkel masat do të gjobitet

T E

Sanksionohen 630 persona për mosmbajtjen e maskës

T E

Xhaferi: Historia bashkëkohore na vë në sprova në rrugën e përmbushjes së qëllimeve tona strategjike

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...