Agjencia Zhurnal.mk
Kosovë

Çështja e presidentit, nënkryetari i PDK-së: Në garë do jenë disa kandidatë, nuk e kemi luksin të shkojmë në zgjedhje

Prishtinë, 24 nëntor, Zhurnal-ks –  Nënkryetari i Partisë Demokratike të Kosovës, Shaqir Totaj u shpreh se për çështjen e zgjedhjes së presidentit do të ketë zhvillime interesante.

Ai theksoi se në këtë garë do të këtë disa kandidatë.

“Unë kam thënë që PDK do të votojë një qeveri kur të ketë postin e kryeministrit.

Nëse i kthehemi gjendjes aktuale është më plot sfida, ato sfida njëkohësisht janë edhe mundësi për klasën politike që të tregojnë një pjekuri dhe sfidat t’i kthejnë në zgjidhje. Sa i përket zgjedhjes së presidentit është një temë e cila po na pret por deri atëherë kemi 5 muaj dhe shpresoj që brenda 5 muajve kjo klasë politike do të gjejë një zgjidhje.

Deri më tani kemi një kandidaturë zotin Ramush Haradinaj. Ai ka paraqitur kandidaturën e tij, mirëpo ajo kandidaturë nuk është zyrtare, pasi për të qenë e tillë duhet të vinte nga koalicioni qeverisë dhe jo nga lider i një partie. Do të kemi zhvillime interesante. Mund të kemi shumë zgjidhje. Mund të kemi më shumë se një kandidat.

Deri më tani koalicioni qeverisë nuk ka paraqitur kandidat, as PDK-ja nuk ka paraqitur kandidat. Sa më shumë t’i afrohemi datës, gara do të bëhet më interesante dhe do të dalin pretendentë të rinj”, u shpreh ai për Euronews Albania .

Totaj ka besim se presidenti do të zgjidhet me konsensuse nga liderët politikë.

“Zoti Mustafa këtë e ka thënë përmes mediave, por do ishte mirë që kjo çështje të diskutohet përmes liderëve të partive dhe aty do të tentonte të gjendet një zgjidhje.

Mirëpresim që rreth kësaj çështje të ketë diskutime. Nëse duam të gjejmë zgjidhje do të duhet të kishte patjetër edhe një tryezë mes liderëve.

“Nuk e kemi luksin që të mbajmë zgjedhjet çdo vit. Mendoj se akoma nuk janë shterur të gjitha mjetet dhe mendoj se mund të gjendet zgjidhje pa shkuar në zgjedhje. Zgjedhjet janë zgjidhja e fundit”, përfundoi ai.

Postime të ngjashme

Në Ditën Botërore të Refugjatëve, përurohet Qendra e rinovuar e Azilit

Bekim Laçi

Mblidhet sot kryesia e Kuvendit

Bekim Laçi

Monitorimi i trafikut me dron nga Policia e Kosovës, jep rezultate

Dafina Vidishiqi

Të gjitha vendimet që u miratuan në seancën e Kuvendit

Dafina Vidishiqi

Populli i Kosovës ndër 10 popujt më bujar në botë, i pari në Ballkan

Dafina Vidishiqi

Haradinaj: Nëse bëhem kryetar nuk do ta lejoj Përparim Ramën ta ndërtojë lagjen e planifikuar në Badovc

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...