Agjencia Zhurnal.mk
Bota

Çfarë mund të bëjnë BE-ja dhe Britania, nëse bashkojnë forcat për Ballkanin

Një strategji për t’iu kundërvënë influencës ruse dhe kineze, ringjalljes së nacionalizmit dhe rrezikut të konflikteve, është zvarritur shumë në kohë.

Edhe pas Brexit-it, ekziston një pjesë e Europës ku Mbretëria e Bashkuar dhe blloku europian duhet të fokusojnë urgjentisht përpjekjet e tyre dhe të punojnë së bashku: Ballkani, thotë Politico.

Ai e përshkruan rajonin juglindore europian si një “mikrokozmos” të sfidave me të cilat përballen sot BE-ja, Britani dhe aleatët në të gjithë perëndimin dhe si një test të rëndësishëm të aftësisë për t`i bërë atyre ballë. Në Ballkan, ne mund të shohim sesi konkurrenca sistematike mund të zhvillohet dhe nëpër botë; është një shembull sesi mund të hedhin rrënjë idetë autoritare e pastaj të përhapen, sesi Rusia dhe Kina destabilizojnë dhe korruptojnë influencën dhe shtyjnë vijat e kuqe, sesi vende që duhet të ishin në rrugën e prosperitet rrezikojnë të kthehen në qendra të përhershme dhe eksportuese të paqëndueshmërisë.

Në muajin mars, teksa një avion i mbushur me ndihma mjekësore kineze preku tokën ne Beograd, presidenti serb u përkul e puthi flamurin e Kinës. Në mesin e pandemisë, Serbia mori sasi të mëdha vaksinash e pajisjesh nga Kina. Rusia nuk mbeti as ajo pas me Sputnikun. 30 vjet pas luftrave në ish-Jugosllavi, vendet e Ballkanit Perëndimor duhet të lulëzonin e mos mbeteshin kushërinjtë e varfër të paaftë për të imituar vlerat europiane, thuhet aty.

Përgjigja nga komuniteti ndërkombëtar ka qene anemike e procesi i anëtarësimi është zvarritur. Britanisë së Madhe i kërkohet të jetë më aktive, të kthehet në një partner të fortë e të besueshëm i cili të ndihmojë rrugën e rajonit me fokusin tek vlerat europiane, demokracia dhe transparenca. Lojën duhet ta bëjmë me kartat tonë, thuhet më tej, me ato të kundërshtarit nuk e fitojmë dot.

Postime të ngjashme

Izraeli fajëson Iranin për sulmin ndaj një cisterne të naftës

D V

Disa të vrarë në një sulm gjatë një funerali në Irak

D V

CDC: Delta ka ndryshuar luftën ndaj koronavirusit

D V

OBSH:COVID-19 duhet të ndalet para se të dalin variante më vdekjeprurëse

D V

Disa persona të vdekur nga vërshimet në Bangladesh

D V

Katër persona të vdekur nga zjarret pyjore në Turqi

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...