Agjencia Zhurnal.mk
Showbiz

Çmenduria e Ibrahimovicit në “Sanremo”, suedezi udhëtoi 60 kilometra me motorin e një tifozi të Milanit për të arritur në festival pasi ngeci në trafik

Ai është ngjitur në skenën e Teatrit ‘Ariston’ për festivalin e “Sanremos”, pasi është një mysafir i përhershëm gjatë kësaj jave të festivalit prestigjioz italian të këngës.

Por në natën e tretë, Zlatan Ibrahimovic arriti pothuajse tri orë më vonë, shkruan EuroSport.

Gati pa frymë e duke kërkuar falje për vonesën, futbollisti gjithashtu tregoi një ndodhi të pabesueshme për ta justifikuar atë, të cilën ai e tregoi me të mbërritur së bashku me producentin e festivalit, Amadeus.

“Më falni për vonesën, tani do t’ju tregojë se çfarë ka ndodhur. Pas tre ore qëndrimi në veturën time për shkak të një aksidenti, kam dal nga vetura ime dhe kam ndaluar një motoçiklistë në rrugë. I kërkova që të më sjellë në Sanremo. Për fat të mirë ishte tifoz i Milanit. Bëri 60 kilometra për të më sjellë këtu dhe në fund më tha se ishte hera e parë që ngiste në autostradë. Ai duhet të shkonte në Livorno. Duhet ta falënderojmë sepse shpëtoi festivalin tim”, tha Zlatan.

Për ata që nuk do ta besonin atë, Ibrahimovic i ka siguruar me prova të gjitha. “Kam dokumentuar gjithçka në video”, siguroi ai prezantuesin e festivalit.

Disa minuta më vonë, llogaria e Rai-t në Twitter vendosi ta publikojë atë. Ne shohim sulmuesin suedez në këtë motor të famshëm, me helmetë në kokë dhe maskë në hundë. Destinacioni ‘Sanremo’, një takim i planifikuar në axhendën e tij për muaj me radhë. Dhe që ai nuk do ta kishte humbur për botën, madje edhe një dëmtim të aduktorit që do ta largonte nga fusha për tri javë.

Dhe më në fund ishte Radio Monte Carlo që e gjeti personin që e çoi Zlatanin në festival me motor. “Dje kishte shumë trafik, unë kisha vendosur të dilja me një motor. Unë po shkoja në shtëpi dhe u ndalova në trafik. Unë shoh një veturë të zezë me dy persona dhe them me vete: ‘Por ky është ai, është Ibrahimovic’. Shoferi del në dritare dhe më thotë: ‘Dëshiron që ti ta çosh në Sanremo?’. Unë u përgjigja: ‘Sigurisht që po’. Përveç kësaj, unë jam me Milanin”, ka rrëfyer kalimtari i rastit që e dërgoi futbollistin në festivalin e madh italian.

“Unë kisha një helmetë nën shalë, thirra gruan time dhe i thashë asaj: ‘Unë po e çoj Ibrahimovicin në Sanremo’. Ajo nuk më besoi mua, tha ai. Ibrahimovic donte të voziste motorin tim, por unë i thashë: ‘Jo Ibra, jam unë ai që nget motorin’. Ai më pyeti se si mund të më falënderonte, dhe tha se do të më dërgojë një fanellë. Unë madje nuk arrita të bëja një fotografi kur mbërrita, ai ishte me nxitim të madh. Ai zbriti nga motori për të shkuar drejt në teatër”, ishte shprehur motoçiklisti.

Postime të ngjashme

Me këmishë nate dhe e pa grimuar, Dua Lipa iu thotë “mirëmëngjesi” fansave me poza ku vë në pah dukjen e saj natyrale

S.B.

Dua Lipa sërish pjesë e reklamës së parfumit “Libre”

S.B.

Madonna e ka blerë shtëpi 19.3 milionë dollarësh nga The Weeknd

S.B.

Kanye West dhe Kim Kardashian kërkojnë të dy kujdestarinë e përbashkët në divorc

S.B.

Bebe Rexha shënon një tjetër sukses të madh, kënga e saj “Meant to be” arrin një miliard dëgjime në Spotify

S.B.

Të famshmit nga estrada shqiptare urojnë Muajin e Shenjtë të Ramazanit

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...