Corona: Më shumë se një në dy të rinj ndjehet i vetmuar

Pandemia e Coronës po i bën të ndjehen më të vetmuar të rinjtë gjermanë. 56% e të anketuarve nën moshën 30 vjeç, sipas një sondazhi ankohen, se ndjehen “shpesh të vetmuar”.

 

Shumë njerëz në moshë të re në Gjermani ndjehen të vetmuar në pandeminë e Coronës. Ky është rezultati i një sondazhi të zhvilluar me 1000 të rinj nën moshën 30 vjeçare, mbi të cilin raportuan mediat gjermane në fundjavë. Në një pyetësor të Sigurimit Shëndetësor Profesional, Pronova, 56% e të anketuarve nga mosha 16-29 vjeç janë shprehur, se që ngafillimi i pandemisë janë ndjerë „shpesh të vetmuar”.

Po kaq vetë janë të shqetësuar, se po humbasin kontaktin me miqtë për shkak të kufizimeve në kohën e pandemisë. Sidomos vajzat dhe gratë e reja i kanë reduktuar kontaktet shoqërore. 63% e sheh më pak rrethin e miqve, kurse më shumë se gjysma e takohen më rrallë me shoqen më të ngushtë. Tek djemtë e rinj kjo shifër është më e ulët.

Si element pozitiv nga pandemia, 55% të anketuarve si nxënës, studentë apo të punësuar të rinj vlerësojnë se kishin mësuar diçka të re në drejtim të digjitalizimit, që nga puna me kompjuterin deri tek softuare të rinj. Kurse 45% e të rinjve pranuan, se tani takohen më shumë në formë digjitale me miqtë edhe për të luajtur online./DW

Related posts

Evropa regjistron numrin më të lartë të humbjeve të jetës në 60 vite për shkak të koronavirusit

D V

Pakistani thotë se ka vrarë 11 militantë të Shtetit Islamik

N E

G7-ta sot pritet ta hartojë planin global anti- COVID

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More