Agjencia Zhurnal.mk
Bota

Covid-19, Izraeli është shumë afër të arrijë imunitetin e tufës

Një mjek kryesor izraelit beson se vendi mund të jetë afër arritjes së “imunitetit të tufës”.

Kjo ndodh kur një “numër i mjaftueshëm” i një popullate ka mbrojtje ndaj një infeksioni që nuk mund të përhapet më – dhe madje edhe njerëzit që nuk kanë vetë imunitet mbrohen indirekt.

Dhe për COVID-19, shkruajnë mediat e huaja, përcjell Telegrafi, pragu i vlerësuar për imunitetin e tufës është të paktën 65% -70%.

Por shkencëtarët në Mbretërinë e Bashkuar janë më të kujdesshëm.

Dr. Sarah Pitt, një virologe në Universitetin e Brighton, kërkoi “kujdes ekstrem” në përfundimin se imuniteti i tufës ishte arritur – diçka që ajo beson se do të jetë e vështirë edhe në nivele të larta të vaksinimit.

Ajo tha se ishte ende herët për të thënë: “Ne duhet të shohim nëse rastet në Izrael vazhdojnë të bien dhe të qëndrojnë në nivele të ulëta”.

Sipas BBC, arritja e këtij niveli të imunitetit të popullsisë është e rëndësishme për të mbrojtur njerëzit që nuk mund të vaksinohen ose sistemi imunitar i të cilëve është shumë i dobët për të prodhuar një përgjigje të mirë, mbrojtëse.

Në Izrael, më shumë se gjysma (5.3 milionë) banorë të tij janë vaksinuar dhe 830,000 të tjerë njerëz kanë dalë pozitivë për virusin në të kaluarën, gjë që duhet t’u japë atyre një imunitet natyror.

Kjo i bie që përafërsisht 68% e popullsisë që ka të ngjarë të ketë antitrupa në gjakun e tyre që mund të luftojë virusin.

Ndërsa prof. Eyal Leshem, një drejtor në spitalin më të madh të Izraelit, Qendra Mjekësore Sheba, tha se imuniteti i tufës ishte “shpjegimi i vetëm” për faktin se rastet vazhduan të binin edhe kur hiqeshin më shumë kufizime.

“Ka një rënie të vazhdueshme pavarësisht kthimit në normalitetin e afërt”, tha ai.

“Kjo na tregon se edhe nëse një person është i infektuar, shumica e njerëzve që e takojnë përreth nuk do të infektohen prej tij”.

Postime të ngjashme

65 palesinezë dhe gjashtë izraelitë të vdekur nga konflikti katër ditorë në Gaza

N E

Në 24 orët e fundit Meksika ka regjistruar 267 viktima nga Kovid-19

N E

Spanja pret rreth 45 milionë turistë të huaj këtë vit

N E

Lehtësohen masat kufizuese, Greqi do të lejohen dasmat dhe pagëzimet, por me disa rregulla specifike

N E

Këshilli i Sigurimit i OKB-së zhvilloi takimin urgjent për situatën në Jerusalem

N E

Bullgaria me qeveri tranzitore deri në zgjedhjet e parakohshme në korrik

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...