Agjencia Zhurnal.mk
Kosovë

Daçiq: Vuçiqi e refuzoi propozimin e SHBA-së që nënkupton njohjen e Kosovës

Shefi i diplomacisë serbe, Ivica Daçiq, sonte deklaroi se nga Uashingtoni ka marrë informacion se presidenti serb Aleksandar Vuçiq ashpër e ka hedhur poshtë propozimin e SHBA-së në takimin në Shtëpinë e Bardhë, që përfshin njohje reciproke të Serbisë dhe Kosovës.

“Është e saktë se fleta me të gjitha propozimet që janë shfaqur në mediume, duke përfshirë edhe pikën 10 (që nënkupton njohje reciproke), ishte në tryezën negociuese në Shtëpinë e Bardhë. Mora informacion se Vupiqi ishte shumë brutal. Ai hodhi poshtë pikën 10, duke thënë se kjo është e papranueshme për Serbinë dhe se do të veprojë në harmonizim me Kushtetutën e Serbisë”, ka thënë Daçiq për televizionin Pink, transmeton Beta.

Daçiq deklaroi se lista me testin “asnjëherë më parë nuk i është prezantuar delegacionit serb” dhe vlerësoi se bëhet fjalë për tentim për zgjerimin e temave në takimin në Uashington, sepse “është biseduar se ekonomia do të jetë në rend të parë”.

Vuçiqi dhe kryeministri i Kosovës, Avdulla Hoti, pasdite i filluan negociatat dyditore në Shtëpinë e Bardhë. Nikoqir i takimit është i dërguari special i presidentit amerikan për negociatat mes Kosovës dhe Serbisë, Riçard Grenell dhe këshilltari për siguri kombëtare të presidentit amerikan, Robert O’Brajan.

Ministri serb i Financave, Sinisha Mali, i cili gjendet në Uashington me Vuçiqin, para gazetarëve deklaroi se delegacionit serb i është dorëzuar një fletë, sipas të cilës Serbia duhet ta njohë pavarësinë e Kosovës.

Grenel menjëherë reagoi në Tuiter duke shkruar “Nuk është e saktë…”, se nga Vuçiqi është kërkuar ta njohë Kosovën.

Postime të ngjashme

Policia me masa të ashpra për të parandaluar përhapjen e pandemisë

N E

Vjosa Osmani për ‘The Irish Times’: Kosova synon të padisë Serbinë për gjenocid

N E

BE: Dialogu duhet të jetë prioriteti më i rëndësishëm i Kosovës

N E

14 të vdekur nga coronavirusi dhe 701 raste pozitive për 24 orë

S.B.

Kosnett dhe ministri Mehaj: Të intensifikohet bashkëpunimi në mes dy vendeve në fushën e sigurisë dhe mbrojtjes

S.B.

Kurti ua shpalos programin shefave të BE-së, Szunyog: Do ta përkrahim qeverinë në rrugën drejt Bashkimit Evropian

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...