De Jong i ofron mbështetje Koemanit: Ndryshimi i trajnerit nuk është zgjidhja

Pavarësisht humbjes së rëndë kundër Benficas, mesfushori i Barcelonës, Frenkie de Jong ka treguar mbështetje për Ronald Koemanin, duke sugjeruar se ndryshimi i trajnerit nuk është zgjidhje për problemet në Camp Nou.

De Jong ishte një nga interpretuesit më të mirë në një natë të vështirë për klubi nga Camp Nou, megjithatë sezoni i klubit në Ligën e Kampionëve rrezikon të jetë një katastrofë totale pasi humbën nga Bayern Munich dhe Benfica në dy ndeshjet e para të fazës së grupeve.

“Unë nuk mendoj se ndryshimi i trajnerit është zgjidhja. Nuk mund të flas për Koeman, nuk është vendi im”, ka thënë fillimisht De Jong pas ndeshjes.

“Ne duhet të vazhdojmë të luftojmë, të qëndrojmë së bashku dhe ta kapërcejmë këtë situatë. Ne mund t’i shpëtojmë kësaj vetëm me punë të palodhur dhe duke qenë të bashkuar si një ekip”.

De Jong mendon se paraqitja e Barcelonës në pjesën e parë nuk ishte shumë e keqe, por ishin shanset e humbura që i kushtuan Blaugranave.

“Është një moment i vështirë tani, ata shënuan golin e parë shumë herët. Kjo gjithmonë i bën gjërat të vështira”.

“Në pjesën e parë nuk luajtëm keq; krijuam raste por nuk shënuam. Pas golit të dytë loja ishte shumë e hapur dhe ne nuk reaguam mirë”, përfundoi holandezi. 

Related posts

Sot zhvillohen dy takime interesante në Superligën e Kosovës, vëmendja në Prishtinë

D V

Lëndimi i Lautaro Martinez nuk është serioz, mund të luajë dy ndeshje me Atgjentinën

D V

Formacionet e mundshme: Real Madridi kërkon t’i hakmerret Shakhtarit për dy humbjet e shkaktuara në edicionin e kaluar

D V

This website uses cookies to improve your experience. We'll assume you're ok with this, but you can opt-out if you wish. Accept Read More