Debat në Kuvend “E ardhmja e demokracisë në botën fragmentuese: Si të përforcohen institucionet demokratike?“

Shkup, 20 maj – Në Kuvend sot do të mbahet debat me temë “E ardhmja e demokracisë në botën fragmentuese: Si të përforcohen institucionet demokratike?“ dhe do ta vizitojnë pjesëmarrës të Forumit të tretë për diplomaci kulturore – Shkup 2025.

Fjalime përsjhëndetëse do të kenë Afrim Gashi, kryetar i Kuvendit dhe Gjorge Ivanov, ish-president i shtetit.

Siç informojnë nga pres-shërbimi qeveritar, folës në debat do të jenë Tasmina Ahmed-Sheik, ish-anëtare e Parlamentit britanik; Davor Filipoviq, ish-ministër i Ekonomisë dhe Zhvillim të qëndrueshëm të Kroacisë; Delia Domingo-Albert, ish-sekretare e Punëve të Jashtme të Filipineve dhe Saranda Imeri-Stafai, kryetare e Komisionit për kulturë dhe turizëm.