Agjencia Zhurnal.mk
Bota

Deklaratë bombë nga Turqia: Grushtin e shtetit nuk e kryen gulenistët

Ministri i Brendshëm i Turqisë, Suleyman Soylu ka bërë një deklaratë të bujshme gjatë ditës së djeshme në media duke tronditur të gjithë shoqërinë turke.

I ftuar në një emisionin “Haber Global” Soylu, i cilësuar si njeri i dytë më i fuqishëm në qeverinë turke pas Erdoganit për shkak të lidhjeve të tij të forta me “nëntokën”, tha se grushti i shtetit nuk është kryer nga gylenistët.

“Ju vërtetë mendoni se grushtin e shtetit e bëri FETO?”, pyeti ministri turk duke mos e lejuar gazetarin të vijonte pyetjen tjetër, ndërkohë që të njëjtën fjali e përsëriti dy herë.

Kaq është dashur që pas kësaj deklaratë në Turqi të shpërthejë debati se “nëse grushtin nuk e kanë bërë gylenistët, siç pretendon qeveria turke, atëherë përse gjenden në burgje dhjetra mijëra qytetarë?”.

Kjo deklaratë e ministrit të Brendshëm përbën një ndryshim 180 gradë në politikën e vendit pasi deri më tani qeveria e Erdoganit pretendonte se grushti i shtetit ishte bërë nga gylenistët duke nisur më pas një përndjekje të madhe përmes burgosjes, përdhunimeve, rrëmbimeve dhe zhdukjes së personave.

Më herët, agjenci inteligjence si BND e Gjermanisë apo CIA kishin deklaruar se nuk ka prova që grushtin e bënë ushtarakët gylenistë në ushtri, megjithatë e deklaruar kjo nga goja e ministrit të Brendshëm përbën një kthesë të madhe në qendrimin e Turqisë ndaj asaj që ndodhi në 15 korrik 2016.

Mbetet për t’u parë se çfarë do të ndodhë tani në Turqi pas kësaj deklarate, e cila i ka surprizuar të gjithë.

Postime të ngjashme

Kinën dhe Rusinë i bashkon biznesi në Serbi

D V

Policia ukrainase e gjen të varur aktivistin e zhdukur bjellorus

D V

Papa Françesku do të takohet me romët e Sllovakisë

D V

Iranit do t’i përgjigjemi në mënyrë kolektive, thotë SHBA-ja

D V

Kina jep 350 milionë doza vaksina për partnerët e nismës “Një brez, një rrugë”

Z H

Kinë, vlera industriale e sistemit të navigimit satelitor “Beidou” do të zërë 25 % të tregut global

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...