Delegacionet e afganëve dhe talibanëve takohen në Doha

Përfaqësuesit e Qeverisë afgane dhe militantët talibanë më 17 korrik kanë mbajtur bisedime në Doha të Katarit.

 

Delegacioni i Qeverisë afgane u udhëhoq nga Abdullah Abdullah, kryesues i Këshillit të Lartë për Pajtim Kombëtar. Ndërkaq, ekipi i talibanëve u kryesua nga lideri taliban, Mullah Abdul Ghani Baradar.

“Bisedimet nisën sot ndërmjet Republikës Islamike të Afganistanit dhe delegacionit të lartë afgan”, tha zëdhënësi i Abdullahut, Fraidoon Khwazoon.

“Pas ceremonisë hapëse, shtatë anëtarët e delegacionit nisën diskutimet”, shtoi ai.

Duke folur në ceremoninë hapëse, Baradar tha se “nuk pritet ndonjë përparim” nga këto bisedime. Ai insistoi se Afganistanit i duhet “një sistem i fortë, i centralizuar dhe i pavarur islamik”.

Abdullah theksoi se delegacioni i Qeverisë afgane përbëhej nga zyrtarë të lartë si dhe “gra dhe studiues fetarë”.

Bisedime po mbahen pavarësisht se në mbarë Afganistanin po zhvillohen luftime, teksa forcat e huaja kanë nisur të largohen nga vendi.

Militantët talibanë kanë lansuar dhjetëra ofensiva dhe kanë marrë nën kontroll mbi një çerek të qarqeve në mbarë Afganistanin./REL

Related posts

Merret vendimi, dy baza ushtarake në Spanjë do të strehojnë refugjatë afganë

R Zh

Gjermani/ Policia arrin të kontaktojë me mbi 700 të zhdukur

N E

BE-ja kërkon mbështetje për krizën me migrantë në Lituani

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com