Agjencia Zhurnal.mk

Delfinët lozin pranë pikave të nxehta turistike në Stamboll

Disa delfinë u filmuan duke notuar pranë “Xhamisë Ortakoy”, një nga atraksionet më ikonike turistike të Stambollit.

Në pamjet e publikuara të mërkurën, delfinët u panë duke lozur pikërisht përgjatë bregut të Bosforit, i cili zakonisht është i mbushur me turistë, anije dhe tragete.

Sipas mediave të huaja, përcjell Telegrafi, trafiku detar në Bosfor ka rënë në javët e fundit për shkak të shpërthimit të COVID-19, ndërsa miliona banorë të Stambollit po qëndrojnë brenda.

Më parë, delfinët u panë tek Ura e Galatës, pikërisht në brigjet e gadishullit historik të Stambollit, ku zakonisht dhjetëra peshkatarë do të mund të shijonin motin e pranverës.

Raportohet se qyteti i Stambollit dhe 30 provinca të tjera turke, u vendosën të enjten në bllokim katër-ditor në një përpjekje për të frenuar përhapjen e coronavirusit.

Numri i të prekurve në Turqi ka shkuar mbi 100 mijë, ndërsa 2,491 persona të tjerë kanë ndërruar jetë.

Marketing 2/1

Marketing 2/2

Marketing 2/1

Marketing 2/2

S.B.

Lajmet e fundit

Loading...