Agjencia Zhurnal.mk
Kosovë

Demhasaj: PDK gradualisht po largohet nga lidhja që kishte me UÇK-në

Drejtori ekzekutiv i Organizatës Çohu, Arton Demhasaj, thotë se ka një tendencë se Partia Demokratike e Kosovës po largohet nga e kaluara e saj që lidhet me UÇK-në.

Demhasaj në “Debat Plus” thotë se kjo tendencë është parë edhe në zgjedhjet e fundit parlamentare ku PDK në listat e saj ka pasur më pak kandidatë që e kaluara e tyre lidhej me luftën.

“Është duke u vërejtur një tendencë që PDK gradualisht është duke u larguar nga lidhja e saj që ka pasur me UÇK-në dhe u pasurua me individë të ri. A është e mirë kjo apo e keqe mbetet për t’u parë”, tha ai, përcjell Telegrafi.

Drejtori ekzekutiv i Organizatës Çohu thotë se në zgjedhjet e PDK-së duket të ketë një garë fer dhe se lideri duhet të zgjidhet varësisht se kënd e kanë kundërshtarë politik.

“Momentalisht edhe LDK e AAK kundërshtarë politikë e kanë Vetëvendosjen për shkak të rezultatit të 14 shkurtit. Prandaj edhe liderin që PDK duhet ta zgjedh duhet t’i përshtatet profilit që e ka Albin Kurti. Unë jam mes Gent Cakajt dhe Bedri Hamzës, por më shumë për Cakajn për disa arsye: Cakaj është dëshmuar që ka strategji të politik bërjes. Unë mendoj se ai mund të përballet në debate të çfarëdoshme me Albin Kurtin. Ai në një periudhë afatgjate mund të sjellë vota për PDK-në”.

Demhasaj thotë se edhe Hamza sa ka qenë ministër i Financave ka treguar sukses në dikasterin e tij.

Ai thotë se Hamzaj ka mundur të gjejë buxhet me sukses kur Thaçi si kryeministër kishte rritur pagat.

Postime të ngjashme

Figurat e njohura, që mbetën jashtë Kryesisë së re të PDK-së

D V

Vlora Çitaku zgjidhet nënkryetare e PDK-së

D V

Ministria e Drejtësisë përfundon draftin e parë të Projektligjit për Konfiskim të Pasurisë së Fituar në Mënyrë të Pajustifikueshme

D V

Nëntë vatra zjarri aktive në Kosovë, gjendja më serioze paraqitet në Bjeshkët e Rugovës

D V

Rekomandohet auditimi i vendimeve të pesë vjetëve të fundit në KOSTT

D V

Osmani ia propozon Kuvendit për Auditore të Përgjithshme të Kosovës, Vlora Spanca

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...