Demonstruesit hoqën flamurin e talebanëve, ata qëlluan me armë mbi ta – të paktën tre të vdekur në protestat e Jalalabadit

Në qytetin afgan Jalalabad, talebanët kanë qëlluar mbi demonstruesit që në sheshin e qytetit kanë hequr flamurin e tyre duke e zëvendësuar me atë të shtetit të Afganistanit, shkruan CNN duke u thirrur në burime nga vendi i ngjarjes.

Siç raporton Al Jazeera, në këto përleshje dhe të shtëna kanë humbur jetën të paktën tre persona, derisa mbi 10 tjerë janë plagosur, transmeton Telegrafi.

Përveç kësaj, talebanët kanë rrahur disa demonstrues, e në rrjetet sociale mund të shihen pamjet e demonstruesve që ngjiten në shtatore për të vendosur flamurin e shtetit afgan.

Pamje tjera tregojnë demonstruesit në rrugë duke valëvitur flamurin afgan – madje edhe mund të dëgjohen edhe të shtënat.

Një prej demonstruesve ka thënë se pavarësisht dhunës, do të protestoj sërish “për të parandaluar talebanët të heqin flamurin e shtetit afgan”.

Related posts

Me 10 dollarë mund të bëheni pronar i shtëpisë luksoze të El Chapos

D V

Izraeli fajëson Iranin për sulmin ndaj një cisterne të naftës

D V

Biden për tërheqjen nga Afganistani: Unë nuk do të zgjas një luftë përgjithmonë

D V

This website uses cookies to improve your experience. We'll assume you're ok with this, but you can opt-out if you wish. Accept Read More