Agjencia Zhurnal.mk
Kosovë

Dënohet kryesindikalisti që organizoi protestën në Podujevë kundër arrestimit të doktorit

Kryesindikalisti i Qendrës Kryesore të Mjekësisë Familjare në Podujevë, Sheqir Maliqi është dënuar me dy gjoba nga Inspektorati Sanitarë si dhe Policia e Kosovës, për organizimin e protestës kundër arrestimit të mjekut pulmolog, Ibrahim Hoti.

Sheqiri në një prononcim për Telegrafin ka thënë se Policia e Kosovës e ka dënuar me 50 euro ndërsa Inspektorati me 200 euro.

Siç deklaroi ai, policia i kishte thënë se me ligj janë të ndaluara organizimet e tilla, e Sheqiri i ishte përgjigjur se edhe trajtimi që po i bëhet mjekut është i ndaluar.

“Pas takimit me kryetarin, policia kanë ardh e më kanë marr. Më kanë çuar në stacion policorë. Mi morën të dhënat dhe më dënuan…. Më thanë që është e ndaluar për organizime të tillë. E unë ju thash është e ndalueshme edhe mjeku jonë me u trajtu në këtë mënyrë. Po them me sinqeritet është një nga mjekët më me nivel në komunën tonë ”, ka thënë Maliqi.

Ndryshe, sot mjekët e QKMF-së në Podujevë kanë protestuar kundër arrestimit të mjekut Ibrahim Hoti, duke kërkuar lirimin e tij.

Për këtë kanë reaguar edhe nga Oda e Mjekëve të Kosovës dhe Federata e Sindikatave të Shëndetësisë së Kosovës të cilët kanë bërë thirrje për lirimin e doktor Hotit.

Ndryshe, të enjten ka qarkulluar një video nëpër rrjete sociale ku shihej doktori në Podujevë duke refuzuar ta kontrollojë pacientin e moshuar, madje në një moment ai kërkon nga familjari i tij që të dalin jashtë QKMF-së, duke ia hapur derën.

Pas refuzimit të dhënies së ndihmës ai është suspenduar nga puna dhe më pas është arrestuar nga Policia e Kosovës.

Postime të ngjashme

​Zemaj: Albin Kurti e Arben Vitia sot kanë rrezikuar qytetarët e Kosovës

S.B.

Norvegjia ia dhuron 100 respiratorë Qendrës Mjekësore të FSK-së

S.B.

49 raste pozitive dhe dy të vdekur nga COVID-19 në Kosovë

S.B.

Pahori në Serbi: Nga samiti Bërdo-Brioni do t’i dërgojmë mesazh BE-së se vendet e Ballkanit duhet të hyjnë bashkë në BE

S.B.

Mbyllet një biznes dhe dënohen 23 të tjera për mosrespektim të masave antiCovid-19

S.B.

Pas tollovisë së sotme, policia vendos rrethoja të hekurta në oborrin e sallës “1 Tetori”

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...