281
Shkup, 20 maj – Përgjatë Vardarit nesër do të fryjë erë e fortë. Deri të mërkurën do të mbajë mot i paqëndrueshëm, kryesisht në orët e pasdites me shi lokal të rrëmbyeshëm dhe bubullima. Vende-vende proceset do të jenë më intensive në formën e një stuhie afatshkurtër, me erë të fortë, shi të rrëmbyeshëm për një kohë të shkurtër dhe dukuri të izoluar breshëri.
Të enjten do të ketë kushte për reshje të shkurtra të shiut, kryesisht në zonat malore, ndërsa qëndrueshmëri kalimtare të motit deri të premten. Temperaturat do të jenë pa ndryshime të ndjeshme.
Temperatura e mëngjesit do të lëvizë nga tetë deri në 15, ndërsa ajo maksimale e ditës do të arrijë deri në 30 gradë.