Fenerbahce do të luajë me ekipin e saj U19 në ndeshjen e Superkupës së Turqisë kundër Galatasaray.
Mirëpo, fakti që ekipi U19 ka një ndeshje kundër Giresunspor në të njëjtën ditë, i komplikon gjërat.
Fenerbahçe njoftoi se do të luajë me ekipin e saj U19 në ndeshjen e Superkupës së Tuqisë kundër Galatasarayt në Sanliurfa të dielën më 7 prill, nëse nuk caktohet një ekip i huaj i gjyqtarëve dhe nëse nuk shtyhet data e ndeshjes.
Fakti që skuadra U19 ka një ndeshje kundër Giresunspor në objektet Dereagzı Lefter Kucukandonyadis në orën 12.00 të së njëjtës ditë, i bën gjërat pak më të komplikuara.
Zëvendëspresidenti i Fenerbahçes, Erol Bilecik, në deklaratën e tij lidhur me këtë temë duke thënë: “Kemi një aplikim edhe për ndeshjen që ekipi ynë U19 do të luajë të dielën. Presim shtyrje”.
Nëse nuk merret vendimi i shtyrjes, Fenerbahce pritet ta zgjidhë këtë problem duke e nisur këtë ndeshje me përforcime nga grupmoshat e tjera.
Ekipi U19 i Fenerbahces është lider në Grupin e Parë të Ligës U19 Elite A. Me 12 fitore në 16 ndeshje, skuadra verdheqezë pësoi 4 humbje dhe grumbulloi 36 pikë.
Ekipi verdhëblu humbi 2-1 nga Sivasspor në ndeshjen e fundit të ligës.
Ndërsa Poyraz Efe Yıldırım nga Trabzonspor është golashënuesi më i mirë (13 gola), Cagri Fedai nga Fenerbahce e ndjek kundërshtarin e tij në vendin e dytë me 12 gola.
Një tjetër emër në skuadrën verdhë-blu që tërheq vëmendjen me statistikat e tij është Emirhan Arkutcu. Anësori i djathtë 18-vjeçar gjeti 9 herë rrjetën dhe është lojtari që i ka dhënë më shumë gola skuadrës së tij me 5 asistime.
Në skuadrën e ndeshjes që Fenerbahçe zhvilloi dje kundër Adana Demirspor, ishin 5 lojtarë të ekipit U19.
Në bankë prisnin Cagri Fedai (qendërsulmues), Efekan Karayazı (mesfushor), Zeki Dursun (mesfushor), Yusuf Akçiçek (portier) dhe Furkan Onur Akyuz (portier).