Dhjetëra të vdekur në trazirat në Afrikë të Jugut

Së paku 30 njerëz humbën jetën në dhunën që përfshiu disa pjesë të Afrikës së Jugut, qëkur ish-presidenti i këtij vendi, Jacob Zuma, u dorëzua në polici javën e kaluar.

 

Protestat u shndërruan në dhunë në provincat KuaZulu-Natal dhe Gauteng qysh në fundjavë, me zjarrvënie, bllokim rrugësh dhe plaçkitje biznesesh.

Ministri i Policisë, Bheki Cele, tha të martën se nëse plaçkitjet vazhdojnë, ka rrezik që disa zona të mbeten pa artikujt kryesorë.

Megjithatë, ministri i Mbrojtjes, Nosiviwe Mapisa-Nqakula, tha se nuk ka ende nevojë për të shpallur gjendje të jashtëzakonshme për dhunën.

Disa zyrtarë thonë se disa grupe po përfitojnë nga zemërimi për burgosjen e Zumës, për të kryer veprime kriminale, ndërsa, sipas të tjerëve, zemërimi për papunësinë dhe varfërinë po nxit kaosin.

Zuma, 79 vjeç, u dënua për shpërfillje të gjykatës, muajin e kaluar, pasi nuk mori pjesë në një hetim për korrupsion gjatë presidencës së tij.

Zuma, i cili e mohon korrupsionin, u dënua me 15 muaj burgim.

Ai u dorëzua në polici të mërkurën vonë.

Afro 800 njerëz u arrestuan deri më tash në trazira, thanë autoritetet.

Në përpjekje për të rikthyer rendin, policinë tani po e ndihmon edhe ushtria.

Related posts

Rreth 89 përqind e mësuesve janë vaksinuar në Francë

N E

Francë/ Dita e Bastijës, Emmanuel Macron udhëheq paradën ushtarake

N E

Irani emëron udhëheqës të ri të agjencisë bërthamore

D V

This website uses cookies to improve your experience. We'll assume you're ok with this, but you can opt-out if you wish. Accept Read More