Ministrja e Drejtësisë, Albulena Haxhiu i ka uruar kadetët në ceremoninë e diplomimit, raporton Ekonomia Online.
Haxhiu, ka thënë se iu ka kërkuar që të përkushtohen në përmirësimin e vazhdueshëm, si në aspektin profesional ashtu edhe në atë personal.
“Në këtë ceremoni të diplomimit i urova të gjithë kadetët për suksesin e arritur dhe i inkurajova secilin të mbajë standard të lartë profesionalizmi dhe etikë në çdo veprim që ndërmarrin”, ka thënë ministrja.
Postimi i plotë:
Diplomimi i 64 kadetëve të gjeneratës së 44 të Shërbimit Korrektues të Kosovës.
Në këtë ceremoni të diplomimit i urova të gjithë kadetët për suksesin e arritur dhe i inkurajova secilin të mbajë standard të lartë profesionalizmi dhe etikë në çdo veprim që ndërmarrin. Iu kërkova që të përkushtohen në përmirësimin e vazhdueshëm, si në aspektin profesional ashtu edhe në atë personal.
Në fund iu ofrova mbështetje dhe i falënderova për përkushtimin dhe gatishmërinë për t’ju shërbyer qytetarëve dhe për të mbrojtur rendin dhe sigurinë e shoqërisë sonë.