‘Dita Mamba’ u shënua në mënyrë të veçantë, të gjitha foshnjat e porsalindura morën dhurata për nder të Kobe Bryant

Ekipi i basketbollit i Los Angeles Lakers shënoi ‘Ditën Mamba’ në një mënyrë të veçantë, një ditë kushtuar lojtarit legjendar, Kobe Bryant.

 

‘Dita Mamba’ mbahet që nga viti 2016, kurse pas vdekjes tragjike të basketbollistit ikonik, përmbajtja e këtih festimi është shtuar.

Lakers kanë shënuar një ditë kushtuar Kobe Bryant që nga 24 gushti i vitit 2016. Arsyeja janë numrat 24 dhe 8 që Kobe i ka bartur në fanellë gjatë karrierës me këtë klub basketbollistik.

Këtë vit, të gjitha foshnjat e lindura në atë datë (24 gusht) në Spitalin UCLA, kanë marrë dhurata në shenjë nderimi për Bryant të shoqëruara me një mesazh të veçantë.

“Nëse lindni më 24 gusht, jeni Laker për gjithë jetën”, kanë shkruar Lakers në dedikimin ndaj foshnjave.

“Mirë se vini në botë. Në këtë ditë të veçantë, ne nderojmë Bryantin dhe festojmë lindjen tuaj. Kobe e donte familjen e tij, kështu që në këtë ditë ne ju japim juve dhe familjes tri fanella Mamba, për të dashurit tuaj dhe që ta vishni kur të rriteni. Lakers janë një familje për gjithë jetën”, thuhet tutje në mesazhin që morën të porsalindurit.

Kujtojmë që Kobe Bryant vdiq tragjikisht në një aksident me helikopter në Kaliforni më 26 janar të vitit 2020, së bashku me vajzën e tij, Gianna, gjashtë miq dhe një pilot. 

Related posts

Giroud ka rezultuar negativ nga COVID-19, gati për ndeshjen kundër Lazios

D V

Granit Xhaka mes Arsenalit dhe Romës, çfarë mungon për të mbyllur marrëveshjen?

D V

Sancho flet për herë të parë që prej finales së Euro 2020 dhe ka një mesazh të fuqishëm

Z H

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com