Shqipëri

Dokumenti/ Meta nis konsultimet me partitë politike për datën e zgjedhjeve! Fton Ramën e Bashën në Presidencë

Zhurnal Ads

Presidenti i vendit Ilir Meta ka nisur konsultimet me partitë politike për datën e zgjedhjeve të Përgjithshme parlamentare 2021.

Në dokumentin e siguruar nga gazetari i Top Channel, Muhamed Veliu, Presidenti Meta ka kërkuar që të premten të nisin konsultimet në Presidencë.

Meta të premten fton edhe kryeministrin Edi Ramën, ose përfaqësues të autorizuar nga ai, në Presidencë për tu konsultuar për datën e zgjedhjeve.

Ftesa i është dërguar kreut të grupit parlamentar socialist, Taulant Balla dhe mban datën e sotme, 1 shtator 2020.

“Presidenti i Republikës, Ilir Meta në mbështetje të kompetencave të tij Kushtetuese, neni 90 gërma “gj”, pas hyrjes në fuqi të ndryshimeve konsensuale në Kodin Zgjedhor të miratuara në ligjin nr. 101/2020, si dhe në vijim të traditës së mirë, ka vendosur nisjen e procesit të konsultimeve me partitë politike me qëllim caktimin e datës së zgjedhjeve të ardhshme për Kuvendin e Republikës së Shqipërisë. Për këtë, Presidenti i Republikës fton në takim ditën e premte datë 04.09.2020 ora 11:00 pranë Institucionit të Presidentit të Republikës, Kryetarin e Partisë Socialiste z. Edi Rama dhe/apo persona të tjerë të autorizuar prej tij. Me besim në vlerësimin e këtij procesi të rëndësishëm”, shkruhet në ftesë.

Ndërkohë, gazetarja e Top Channel, Elda Menga bën me dije se po ditën e premte, një orë pas takimit me Ramën, Meta ka thirrur në takim dhe kryedemokratin Lulzim Basha.

Postime të ngjashme

Sa zgjat imuniteti nga Covid-19? E zbulon epidemiologu: Ja kur ndodh riinfektimi

admin

Meta: Nga anëtarësimi i Kosovës në OKB do të përfitonte edhe bashkësia ndërkombëtare

admin

Transportonte 17 emigrantë, arrestohet 45-vjeçari nga Durrësi, i dënuar më parë për kanosje dhe armëmbajtje pa leje

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...