Drejtori i përgjithshëm i Milanit, Giorgio Furlani siguron se Rossonerët ‘nuk kanë nevojë të shesin’ yje si Rafael Leao, Mike Maignan dhe Theo Hernandez, të cilët janë të gjithë ‘të lumtur që mbeten’.
Furlani ishte mysafir në DAZN të hënën në mbrëmje dhe ishte nën presion mbi spekulimet e transferimeve rreth skuadrës, veçanërisht emrat e tyre më të mëdhenj.
“Nuk kemi nevojë të shesim askënd për të mbuluar humbjet”, ka thënë fillimisht Furlani.
“Duke qenë një klub me fitim, ne kemi mundësinë të investojmë që në fillim. Leao, Maignan dhe Theo Hernandez janë të lumtur që mbeten te Milani dhe ata kanë kontrata të gjata”, përfundoi drejtori i Milanit.
Leao vetëm kohët e fundit nënshkroi marrëveshjen e tij deri në qershor 2028, megjithëse besohet se ka një klauzolë lirimi rreth 175 milionë euro.
Theo Hernandez ka qenë i lidhur me oferta nga Bayern Munich dhe Paris Saint-Germain, por kontrata e tij nuk skadon deri në qershor 2026 dhe mbrojtësi i majtë nuk duket i etur për t’u larguar.
Maignan ka më shumë gjasa për një largim gjatë verës, pasi kontrata e tij është gjithashtu deri në qershor 2026, megjithëse thuhet se ka një hendek të madh midis kërkesave të tij për pagë dhe pagës që ofrohet për rinovim.