Drita dhe Llapi zhvillojnë kryendeshjen e ditës së shtunë, flasin Hamdi Namani dhe Arbnor Ramadani

Xhiro e dytë në elitën e futbollit kosovar do të startojë ditën e shtunë me dy ndeshje që janë në program.

 

Padyshim që ndeshja kryesore e kësaj dite do të zhvillohet në stadiumin e qytetit në Gjilan, ndërmjet Dritës dhe Llapit.

Të dy skuadrat e kanë nisur këtë edicion me qëllime të qarta, që të fitojnë trofe dhe të garojnë përsëri në arenën evropiane.

Drita e nisi me fitore sezonin e ri, teksa para adhuruesve të vet mposhti Feronikelin me rezultat të ngushtë 2-1.

Në anën tjetër Llapi ka barazuar ndaj skuadrës së rikthyer në elitë, Ulpianës me rezultat 1-1 në ndeshjen e zhvilluar në Merdare.

Mesfushori i Dritës, Hamdi Namani ka thënë për Telegrafin se janë përgatitur maksimalisht për këtë takim, pasi e dinë se llapjanët kanë një skuadër cilësore.

“Ne si klub jemi përgatitur maksimalisht për sfidën e radhës që e luajmë ndaj Llapit”, tha fillimisht Namani.

“Llapi ka një skuadër shumë cilësore dhe qëllimi ynë është që të paraqitemi sa më mirë dhe natyrisht t’i ndalim tri pikët në shtëpi”, deklaroi Namani për Telegrafin.

Në anën tjetër, Telegrafi ka kontaktuar edhe me futbollistin kryesor të Llapit, Arbnor Ramadanin.

Mesfushori gjilanas i Llapit ka thënë se kanë bërë përgatitjet e nevojshme dhe shpresojnë të marrin një rezultat pozitiv.

“Ndaj Dritës do të jetë një ndeshje e vështirë, pasi e dim se përballë kemi një skuadër të fortë”, tha Ramadani.

“Ne kemi bërë përgatitjet e nevojshme si para çdo takimi tjetër dhe shpresojmë që të rikthehemi me rezultat pozitiv që të vazhdojmë me ndeshjet e radhës”, tha Ramadani.

Takimi mes Dritës dhe Llapit zhvillohet të shtunën me fillim nga ora 17:00 në qytetin e Gjilanit. 

Related posts

Pro Evolution Soccer vjen me emër të ri, mënyra të reja, stil të ri dhe do të jetë falas për tu luajtur

D V

Juventusi, Interi e Milani futen në garë për Tchouamenin

D V

Arsenali favorit për të nënshkruar me Renato Sanches për shkak të dy lojtarëve

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com