Agjencia Zhurnal.mk
Shqipëri

Edi Rama pranon ftesën e Ilir Metës për takimin rreth përcaktimit të datës së zgjedhjeve parlamentare

Kryeministri i Shqipërisë Edi Rama, në cilësinë e liderit të Partisë Socialiste, u përgjigj pozitivisht në ftesën e presidentit Ilir Meata për takim rreth caktimit të datës së zgjedhjeve parlamentare.

Në takimin e sotëm në orën 11:00, Rama do të shkojë te Meta së bashku me Taulant Balajn, sekretarin e përgjithshëm të partisë dhe koordinatorin e grupit parlamentar.

Dita e sotme do të jetë një ditë shumë intensive për presidentin Meta, i cili po fillon konsultimet me partitë politike për datën e zgjedhjeve të vitit 2021.

Para takimit me Ramën, ai do të realizojë takime të ndara me krerët e Partisë për Drejtësi, Integritet dhe Unitet, Shpëtim Idrizin dhe Dashamir Shehun të Lëvizjes për Zhvillim Kombëtar.

Në mesditë është planifikuar takim me kreun e partisë më të madhe opozitare, Partisë Demokratike, Lulzim Basha, pasuar nga takimet me Luan Ramën nga Lëvizja për Integrim Socialist dhe Rudina Hajdarin nga opozita parlamentare.

Zgjedhjet e fundit parlamentare në Shqipëri u mbajtën më 26 qershor të vitit 2017. Në këto dhe ato të mëparshmet, në vitin 2013, fitoi koalicioni i majtë, i udhëhequr nga Socialistët e Ramës.

Data e mundshme për zgjedhjet e ardhshme në të cilat do të zgjidhen 140 deputetë, duhet të jetë mes 15 prillit dhe 15 majit të vitit 2021.

Postime të ngjashme

Rama: Ilir Meta kandidat zyrtar i LSI në Vlorë

Lea Muslija

Procedimi penal i kreut të LSI në Pukë, reagon Partia: Po bënin ushtrime zgjedhore, policia e politizuar

Lea Muslija

Ndahet nga jeta kreu i Shoqatës Patriotike ‘Çamëria’, babai i aktivistit të njohur

Lea Muslija

Presidenti Meta, letër institucioneve për zgjedhjet e 25 prillit: Të shmangen fenomenet negative

S.B.

Porti i Ri Turistik i Sarandës, Rama publikon videon: Deri në fund të mandatit të tretë një tjetër nivel turizmi

S.B.

“Brenda muajit maj, 500 mijë të vaksinuar”, Manastirliu publikon videon: Ja sa gjyshe e gjyshër janë sot më të mbrojtur

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...