Agjencia Zhurnal.mk
Sport

Edy Reja pritet t’i bëjë disa ndryshime në takimin e Shqipërisë me San Marinon – formacioni i mundshëm

Trajneri i Kombëtares Edi Reja shpesh deklaron se nuk është i prirur të bëjë eksperimente me formacionin, por vlerëson gjendjen e lojtarëve duke aktivizuar ata që janë më në formë. Gjithsesi, nga formacionet që nisin ndeshjet, risitë apo të ashtuquajtura eksperimente nuk mungojnë, gjë e cila pritet të ndodhë edhe sot me San Marinon.

Për San Marinon është i pezulluar nga kartonët Klaus Gjasula, ndërsa Florian Kamberi u largua nga grumbullimi me pretekstin se është i dëmtuar. Gjithashtu, dje nga grumbullimi i kuqezinjve u largua edhe mesfushori, Nedim Bajarami, i cili nuk pati mundësi të debutonte në tri ndeshjet e para në Grupin I. Fantazisti është rikthyer te skuadra italiane e Empolit dhe shkak u bë FIFA, e cila nuk ia dha në kohë dritën jeshile Bajramit që të luante që tani me Shqipërinë. Bajrami duhet të presë miqësoret e qershorit për të realizuar ëndrrën e madhe me Kombëtaren shqiptare.

DY VARIANTET E FORMACIONIT
Në dallim nga dy ndeshjet e para, sot pritet që trajneri Reja të bëjë rrotacion të ndeshëm në ekip, duke u dhënë mundësi edhe disa lojtarëve të tjerë. Italiani nuk ka provuar formacion, por dilemat mbeten, kështu që ekzistojnë dy variante se si mund të luajë Shqipëria ndaj San Marinos. Në të dy rreshtimet e konfirmuara është se Toma Strakosha do të jetë portieri titullar, ndërsa Hysaj do të mbajë shiritin e kapitenit.

“Panorama Sport” mëson se në seancën e fundit është dëmtuar mesfushori vlonjat, Ledian Memushaj dhe sipas të gjitha gjasave do të mungojë sot. Në dyshim është edhe Ardian Ismajli, i cili ka një kontraktim muskulor dhe pritet të mungojë. Rreshtimi i parë pritet të jetë 3-5-2. Strakosha do të jetë në portë, në mbrojtje pritet një rreshtim ndryshe me Hysjan, Gjimshitin dhe Ajetin ose Hoxhallarin. Mesfusha me pesë mendohet të përbëhet nga Roshi dhe Lenjani nga krahët, ndërsa Çokaj, Bare dhe Laçi ose Kallaku në qendër. Dyshja sulmuese mund të përbëhet nga Cikalleshi dhe Manaj ose Uzuni, të cilët mbyllën sfidën me Anglinë.

Sipas versionit të dytë, kuqezinjtë mund të luajnë sipas modulit 3-4-1-2. Strakosha në portë. Hysaj, Ajeti dhe Veseli priten në mbrojtje. Sa i përket mesfushës ka balotazh në të djathtë mes Dokës dhe Roshit, Lenjani në të majtë dhe Ramadani me Baren në qendër. Kallaku ose Laçi mendohet të jenë pas dyshes sulmuese, që mund të jetë ajo që nisi sfidën me Anglinë, Manaj-Broja. Gjithsesi, situata mund të përmbyset para ndeshjes, ashtu siç ndodhi së fundmi ndaj Anglisë.

Postime të ngjashme

Kroos: Nuk e njoh Realin pa Ramosin

Dafina Vidishiqi

Ramadani flet para ndeshjes ndaj Inter d’Escaldes

Dafina Vidishiqi

Prezantuesja italiane e Euro 2020 shkakton trazira në internet, tifozët e futbollit janë të bindur se asaj i doli zona intime gjatë transmetimit

Dafina Vidishiqi

Lovren rrëfen sekretin prapa suksesit të Brozovic

Dafina Vidishiqi

Argëtimi brenda ekipit të Italisë: Insigne i përgatit një shaka Immobiles

Dafina Vidishiqi

Flet Besnik Krasniqi para ndeshjes, Prishtina – Inter: Nëse dalim në lojën tonë, nuk mund të na ndalin

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...