Bota

Egjipti zbulon arkivole antike 2.500 vjet të vjetra

Egjipti zbuloi 59 arkivole antike që u përkisnin priftërinjve dhe nëpunësve, në një nekropol të gjerë në jug të Kajros.

Një mision arkeologjik egjiptian në 3 tetor shfaqi sarkofagët, me mumiet brenda shumicës së tyre, duke thënë se ata ishin varrosur më shumë se 2.500 vjet më parë.

Ekipi zbuloi mbetje të mumifikuara të mbështjella me pëlhura të varrimit që mbanin mbishkrime hieroglifike me ngjyra të ndritshme.

Arkivolet prej druri të ruajtura dhe të vulosura mirë, si dhe 28 statuja të Zotit Sekret Egjiptian të lashtë u zbuluan javët e fundit, të varrosura në tre boshte në Sakara, nekropoli i kryeqytetit të lashtë egjiptian Memfis, pjesë e Trashëgimisë Botërore të UNESCO-s.

“Unë e konsideroj këtë si fillim i një zbulimi të madh,” tha Ministri i Egjiptit për Turizmin dhe Antikitetet Khalid el-Anany, duke shtuar se më shumë zbulime ende pritet të dalin në të njëjtën zonë.

Mostafa Waziri, sekretari i përgjithshëm i Këshillit Suprem të Antikiteteve, tha se studimet fillestare tregojnë se arkivolet e zbukuruara ishin bërë për priftërinjtë dhe zyrtarin e lartë nga Periudha e Vonë Faraonike rreth vitit 664-525 B.C.

Arkivolet dhe gjetjet tjera do të ekspozohen në muzeun e ri egjiptian, të cilin Egjipti po e ndërton pranë Piramidave të Gizës.

Postime të ngjashme

Covid-19 ,çka do të lejohet të rihapet dhe çka jo në Austri?

S.B.

Pfizer përfundon testimin e vaksinës, 95% efektive kundër COVID-19

S.B.

Zbrazet Al-Hol, kurdët do të lirojnë 15 mijë ekstremistët të ISIS! Sa shqiptarë ka në kamp

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...