Emërohen disa drejtorë të rinj në klinika

Shkup, 11 korrik – Ministri i Shëndetësisë, Arben Taravari, ditëve të fundit emëroi ushtrues detyre drejtorë mjekësorë në disa institucione shëndetësore publike, njoftoi Ministria e Shëndetësisë.

“Në Klinikën universitare për kirurgji digjestive për drejtor është emëruar prof.dr. Ognen Kostovski, në Klinikën universitare për pulmologji dhe alergologji prim. dr Oliver Zafirovski, përderisa në në Klinikën universitare për sëmundjet e fëmijëve është emëruar dr. Rexhep Memedi”, qëndron në kumtesë.

Prej aty shtojnë se në Spitalin e përgjithshëm të qytetit  “8 Shtatori” për drejtor është emëruar prof.dr. Sinisha Stojanoski.