Shkup, 6 tetor – Enti Shtetëror i Revizionit, me qëllim të informimit në kohë dhe transparent të të gjithë pjesëmarrësve në fushatën zgjedhore, ndërsa lidhur me obligimet të cilat dalin nga dispozitat e Kodit Zgjedhor dhe Librin e afateve të rishikuar për kryerje të veprimtarive zgjedhore për zbatimin e zgjedhjeve për anëtarët e këshillave të komunave dhe këshillin e qytetit të Shkupit dhe për kryetarë të komunave dhe kryetar të Qytetit të Shkupit në vitin 2021 të miratuar nga Komisioni Shtetëror i Zgjedhjeve, tregon në detyrimet e përcaktuara ligjore të parashikuara për secilin pjesëmarrës në fushatën zgjedhore për zgjedhjet lokale të vitit 2021.
Nga ESHR informojnë se pjesëmarrësi në fushatën zgjedhore është i detyruar t’i përgatisë dhe dorëzojë deri te Enti Shtetëror i Revizionit, Komisioni Shtetëror i Zgjedhjeve dhe Komisioni Shtetëror për Parandalim të Korrupsionit raportet në vijim:
– Raport me formular për donacionet e pranuara në llogaritë e transaksionit për financim të fushatës zgjedhore. (neni 84 – b paragrafi 2), në ditën e 11-të nga dita e fushatës zgjedhore (7 tetor, deri në orën 24:00)
– Raport me formular për donacionet e pranuara në llogaritë e transaksionit për financim të fushatës zgjedhore. (neni 84-b paragrafi 3), një ditë pas përfundimit të fushatës zgjedhore (për rrethin e parë 16 tetor, për rrethin e dytë 30 tetor).
– Raport i specifikimit për të ardhurat dhe shpenzimet në llogarinë e transaksionit për fushatën zgjedhore nga dita e hapjes së saj deri në ditën e rrethit të parë zgjedhor (neni 84-b paragrafi 1). Në afat prej 20 ditëve nga dita e hyrjes në fuqi të heshtjes zgjedhore për rrethin e parë (4 nëntor, 24:00) dhe rrethi i dytë i votimit (18 nëntor, 24:00), nëse mbahet.
– Raport i përgjithshëm financiar me specifikimin e shpenzimeve për të ardhurat dhe shpenzimet në fushatën zgjedhore (neni 85 paragrafi), menjëherë, ndërsa më së voni në afat prej 30 ditëve nga dita e mbylljes së llogarisë së transaksionit.
Nga ESHR potencojnë se raportet financiare, pjesëmarrësi në fushatën zgjedhore është i detyruar t’i përgatisë në formular të lëshuar nga ministri i Financave dhe subjektet politike janë të detyruar këto raporte t’i publikojnë në ueb faqet e tyre.
Informojnë se formulari për raport me specifikikat e të ardhurave dhe shpenzimeve në llogaritë e transaksionit për fushatën zgjedhore dhe raport për donacionet e pranuara në llogarinë e transaksionit për financim të fushatës zgjedhore është shënuar me Rregulloren për formularin për raport me specifikat e të ardhurave dhe shpenzimeve në llogaritë e transaksionit për fushatën zgjedhore dhe raport për donacionet e pranuara në llogaritë e transaksionit për financim të fushatës zgjedhore (“Gazeta zyrtare e Republikës së Maqedonisë së Veriut” nr. 80/2021 dhe 2018/2021). Pjesë përbërëse e kësaj rregullore është Udhëzimi për mënyrën e plotësimit të formularit të raportit.
Rregullorja e cituar është publikuar edhe në ueb faqen zyrtare të Entit Shtetëror për Revizion www.dzr.mk.
