Agjencia Zhurnal.mk

Etjen Xhafaj: Turqia nuk është tërhequr nga ndihmat

Tiranë, 27 janar – Zëvendësministri i jashtëm, Etjen Xhafaj, ka folur për procesin e rindërtimit pas tërmetit të 26 nëntorit. Xhafaj tha se është përgatitur drafti i dëmeve të konstatuara të cilin do ta paraqesin në konferencën e donatorëve në 17 shkurt dhe shtoi se Turqia nuk është tërhequr nga ndihma e ofruar më parë për ndërtimin e 500 shtëpive edhe pse po përballet me pasojat e një tërmeti shkatërrimtar njëlloj si Shqipëria.

I pyetur se kur nis ndërtimi nga Turqia, Xhafaj u shpreh se:

“Plani është që puna të nisë në fillim të marsit, aktualisht është duke punuar. Është e domosdoshme të përfundohen projektet arkitekturore që të mos kthehemi më tek kontrolli i pakontrolluar i territorit. Po kryhen studime sizmiologjike. Zona e parë nga ku do të nisë ndërtimi është qyteti i Laçit. Aty ku do të fillohet do të ketë zhvillim të gjerë, me godina cilësore dhe me kushtet më të mira.”

Sa i takon konferencës së 17 shkurtit, zv.ministri pohoi se është përgatitur drafti i parë i raportit të impaktit të dëmeve, i cili është dokumenti bazë për konferencën e donatorëve ku do të flitet me kapituj të veçantë për dëmet e shkaktuara.

“Sipas të gjithë metodologjive, jemi në fazën e parë në atë të menaxhimit të çdo emergjence civile me spektër të gjerë dhe me impakt të gjerë territorial që ka të bëjë me menaxhimin e menjëhershëm të zhvendosjes së njerëzve. Muajin e dytë fillohet bëhet vlerësim më i thellë i dëmeve. Këtu fillon dhe krijohet një faturë financiare se cilat kanë qenë dëmet e konstatuara. Në këtë fazë shihet çfarë mund të bëhet në godinat që kanë patur dëmet. Vlerësimi nuk ka të bëjë vetëm me dëmin infrastrukturor por shihet edhe më gjerë edhe nga zhvendosja demografike. Është përgatitur drafti i parë i raportit të impaktit të dëmeve, raporti është dokumenti bazë ku do të shkohet në konferencën e donatorëve ku do të flitet me kapituj të veçantë për dëmet e shkaktuara. Vlerësimi për dëmet nga tërmeti nuk është ende final, përpjekja shtetërore për të mbledhur të gjitha ndihmat është e vazhdueshme. Ne kemi parë disa nga takimet e komitetit të rindërtimit për të barazvlerësuar, kontrolluar, koordinuar impaktin e ndihmave në terren për qytetarët, për të pasur mundësi të dalim nga kjo situatë sa më shpejt.” tha Xhafaj për Abcnews.

Marketing 2/1

Marketing 2/2

Marketing 2/1

Marketing 2/2

XH.I

Lajmet e fundit

Loading...