Agjencia Zhurnal.mk
Maqedoni

EVN Maqedoni ndërtoi centralin e parë fotovoltaik nga panele të dyanshme në Maqedoni

Zhurnal Ads

Shkup, 3 dhjetor, zhurnal.mk – Centrali i parë fotovoltaik në vend, i cili njëkohësisht prodhon energji elektrike nga Dielli dhe reflektimi i dritës u instalua në Negotinë nga ana e EVN Maqedoni. Ky central është pjesë e teknologjive më bashkëkohore botërore, i krijuar nga të a.q. panele bifaciale të cilat në pjesën e sipërme e akumulojnë dritën direkte të Diellit, përderisa në pjesën e poshtme e akumulojnë reflektimin e dritës nga materiali reflektues i vendosur nën panelet. Ky central u ndërtua në periudhë rekord prej më pak se 4 muaj.

Me rastin e hapjes së centralit, të pranishëm ishin z. Zoran Zaev – Кryetar i Qeverisë së Republikës së Maqedonisë së Veriut, z. Kreshnik Bekteshi – ministër i Ekonomisë dhe z. Shtefan Peter, kryetar i Bordit Drejtues të EVN Maqedoni.

„Ky central fotovoltaik është rezultat i bashkëpunimit të frytshëm në mes sektorit publik dhe privat. Jemi krenarë që kompania jonë investon në projekte të hartuara për mbrojtjen e mjedisit jetësor dhe veçanërisht zvogëlimin e ndotjes. Për më pak se 4 muaj periudhë rekord, arritëm të bëjmë ndryshim pozitiv në drejtim të ardhmërisë më të mirë energjetike të vendit si dhe për shëndetin e qytetarëve tonë.“ tha z. Peter.
Ministri i Ekonomisë, z. Bekteshi foli për rëndësinë e investimeve në pjesën e burimeve të ripërtëritshme të energjisë dhe mbështetjen e vazhdueshme që merret nga EVN për të arriur këta qëllime.

„Ministria e Ekonomisë, si ministri kompetente për politikat e energjetikës, edhe në të ardhmen do të vazhdojë të mbështesë aktivitete për promovim të burimeve të ripërtëritshme të energjisë dhe promovim të efikasitetit energjetik, me qëllim të realizimit të qëllimeve të caktuara për pjesëmarrjen e burimeve të ripërtëritshme të energjisë, të përcaktuara në dokumentet strategjike në drejtim të arritjes së qëllimit kombëtar të kursimit të energjisë“ deklaroi z. Bekteshi.

Ky projekt u realizua në kuadër të strategjisë për prodhim të „Energjisë së gjelbër“ nga ana e Qeverisë.

Z. Zoran Zaev – Кryetar i Qeverisë së Republikës së Maqedonisë së Veriut, theksoi strategjitë e Qeverisë për zhvillim të vazhdueshëm të sektorit të energjetikës, e veçanërisht pjesën e burimeve të ripërtëritshme të energjisë elektrike.
„Është nder dhe kënaqësi për mua që sot jemi këtu në promovimin e centralit të parë fotovoltaik të EVN Maqedoni. Ju përgëzoj për këtë investim, për këtë projekt të realizuar me sukses në kuadër të thirrjes publike të Ministrisë së Ekonomisë. Energjinë Diellore e kemi në sasi të mëdha, ne jemi vend me 280 ditë me diell në vit dhe me „pik të energjisë Diellore“ të cilësisë më të lartë“ tha z. Zaev.

Centrali bifacial fotovoltaik i EVN Maqedoni në Negotinë, është i ndërtuar nga 4416 panele me fuqi prej 335 W, përkatësisht fuqi të instaluar prej 1479 kW dhe ka kapacitet prej 2,1 GWh për prodhim vjetor të energjisë elektrike prej burimeve të ripërtëritshme të energjisë elektrike.

EVN është kompani me përgjegjësi shoqërore e cila në vazhdimësi ndërmer hapa konkrete për mbrojtjen e mjedisit jetësor. Veçmë 15 vite, EVN investon në ndërtimin e hidroelektranave me qëllim të prodhimit të energjisë elektrike nga burime të ripërtëritshme, e paralelisht bën kampanja masovike për efikasitetin energjetik nëpër të gjithë vendin.

Zhurnal Ads
Zhurnal Ads

Postime të ngjashme

Shkrepet foto me status, “Shkupi më i bashkuar se kurë”, por pakënaqësia në degën e Çairit vazhdon!

R ZH

Gjendja me Covid 19 në Maqedoni po qetësohet, MSH me apel para festave

Z H

A do të ketë “fshesë” në gjyqësor?

E.E.

Analistët: Deputetët shqiptarë nuk kanë demostruar forcë politike në vitin që po lëmë pas

E.E.

Po analizohet numri rekord i rasteve të reja me Covid 19, tani për tani nuk ka masa për lëvizje të kufizuar

T E

Ulet TVSH-ja për ushqime dhe pije në restorante

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...