Kosovë

Familja nuk dyshon në askënd, e bindur që familjari i tyre pësoi sulm në zemër

Zhurnal Ads

Për një muaj rresht familja Berkolli nga Prishtina nuk ka ditur asgjë për vendndodhjen e babait/gjyshit të tyre, Enverit 83 vjeç.

Në kërkim të tij ishte vënë Policia e Kosovës, grupet e vullnetarëve dhe qytetarë të tjerë. Madje, familja njoftoi se personi që do të arrinte ta gjente 83 vjeçarin do të shpërblehej me pesëmijë euro.

Kërkimi mori fund ditën e premte kur një person rrëshqiti në një gropë të mbuluar me thera e mbeturina në Velani të Prishtinës, ku edhe hasi në trupin e pajetë të Enver Berkollit.

Gazeta Express ka kontaktuar me një familjare të të ndjerit për të mësuar për shkaqet e vdekjes dhe mënyrës sesi u gjet i moshuari një muaj pasi u lajmërua si i zhdukur.

“E kemi gjetë të premtën, më 2 tetor në orën 15:00. Është gjetur prapa Ambulantës në Velani. Një kamilmtar ka shku për me mbledhë arra, aty ka rrëshqit dhe ka ra në gjyshin tonë, në të ndjerin”, tha një familjare e të ndjerit për Gazetën Express.

E pyetur nëse kanë ndonjë dyshim për vdekjen e tij, ajo tha se mjekët kanë konstatuar se Enver Berkolli kishte pësuar sulm në zemër kur edhe po ecte në lagjen Velania.

“Nuk kemi ndonjë dyshim. Gjyshi ka pas sulm, u ra u rrokullis deri poshtë, kemi kërku edhe në atë pjesë, por ka pas shumë thera dhe mbeturina, prandaj”.

Ajo shtoi se familja ndihet e pikëlluar për vdekjen e 83 vjeçarit, por tani ndihen më të lehtësuar pasi e dinë se e kanë varrosur.

“Është një lehtësim shumë i madh, humbja e tij është e madhe që e kemi vorros, por kemi qenë gjithë kohën në kërkim të tij”.

Sipas familjares së të ndjerit, më 31 gusht të këtij viti kur 83 vjeçari kishte dalë nga shtëpia e kishte humbur rrugën për shkak të nxehtësisë dhe më pas ka pësuar edhe sulm në zemër.

Postime të ngjashme

OVL e UÇK-së mohon pretendimet se ka pasur baza të fshehta në Shqipëri

D XH

Kryeministri izraelit do t’i drejtohet sot me një mesazh popullit të Kosovës

admin

Tensione në Kuvend, Hoti – Kusarit: T’i sa herë që i ndërron ulëset i ndërron pozicionet

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...