Agjencia Zhurnal.mk
Maqedoni

Filipçe: Kriza me Kovid-19 e tregoi rëndësinë e terapisë inovative për pacientët me sëmundje të rralla

Shkup, 26 shkurt – Në mënyrë të konsiderueshme është rritur buxheti për sëmundjet e rralla, si dhe numri i pacientëve të cilët trajtohen prej tyre dhe ilaçet të cilat janë përfshirë në programin tonë. Proceset i kemi bërë në mënyrë të hapur, transparente dhe inkluzive, që pikërisht nga personat me sëmundje të rralla të dëgjojmë cilat janë problemet e tyre. Programi për sëmundjet e rralla në vitin 2018 ishte 350 milionë denarë, ndërsa tani është 520 milionë denarë.

Këtë sot e theksoi ministri i Shëndetësisë, Venko Filipçe, i cili tha se ka nëntë ilaçe të reja për sëmundje të rralla dhe atë për sëmundjen Goshe, neuropatinë amiloide familjare, hipertensionin pulmonal dhe atrofinë muskulare spinale, që si vend na numëron në grupin e vendeve më të zhvilluara në Evropë, i cili investon në formë të tillë të terapisë inovative. “Ky është koncept i tërësishëm dhe i investimit në terapinë inovative. Kjo krizë me Kovid-19 tregoi se sa është e rëndësishme terapia inovative, sa do të thotë kjo për jetën dhe cilësinë e jetës të pacientëve që kanë sëmundje të tilla”, shtoi Filipçe në fjalimin në promovimin e pullës postare kushtuar sëmundjes së rrallë Goshe, që u mbajt në organizim në Shoqatës së qytetarëve për sëmundje të rralla “Jeta me sfida”.

Kryetarja e Shoqatës, Vesna Aleksovska, shfaqi shpresë se edhe këtë vit do të kenë ilaçe të reja, se do të ketë ilaç edhe për pacientët e moshuar me atrofi muskulare spinale… “E presim tenderin që të shohim se çka do të na sjellin për pacientët tanë. Mënyra e vetme që t’ia arrijmë qëllimet tona është pikërisht bashkëpunimi. Të dëgjohemi mes veti dhe sëbashku t’i parashtrojmë edhe problemet edhe zgjidhjet”, tha Aleksovska. Gjatë viteve të kaluara janë shtypur pulla postare për fëmijë me sëmundje të rralla dhe për sindromin Alport. Vlera nominale e pullës së promovuar postale është 25 denarë dhe është shtypur në tirazh prej 6.000 kopjeve.

Drejtori i Postës, Jani Makraduli, porositi se të gjithë duhet në mënyrë institucionale të kontribuojnë që personat me sëmundje të rralla të kenë mundësi të barabarta në shoqëri. Ai paralajmëroi se posta ka disponim ta shqyrtojë mundësinë për bashkëpunim me Shoqatën dhe të gjitha shërbimet postare të saj të mbulohen nga ana e postës. Doktoresha e Klinikës universitare për sëmundje të fëmijëve, Aspazija Sofijanova, tha se përkrahje posaçërisht të madhe u jep pacientëve të cilët më së shpeshti diagnostikohen në klinikën e tyre.

“Edhe pacientët me sëmundje të rralla e vazhdojnë jetën normale”, theksoi dr. Sofijanova. Ajo ka shprehur falënderim deri te Ministria e Shëndetësisë dhe deri te ministri Venko Filipçe për gjithçka që bën për këtë kategori të fëmijëve, si dhe deri te të gjithë përkrahësit. (Zhurnal.mk)

Postime të ngjashme

Ivanovska paralajmëron se do ta paraqesë në polici finansiare Dragi Rashkovskin

Z H

Mickoski uron muslimanët me rastin e muajit të shenjtë të Ramazanit

B L

Spasovski – Kangler: Vazhdon bashkëpunimi i shkëlqyer me Slloveninë

Z H

Filipçe apel deputetëve të mbështesin çmimoren për trajtim antikovid në spitalet private

B L

Xhaferi uron besimtarët myslimanë me rastin e muajit të shenjtë të Ramazanit

Z H

Komiteti i Helsinkit: Ekzistojnë mundësi ligjore për marrjen e shtetësisë

B L

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...