Agjencia Zhurnal.mk

Fillon pagesa e ndihmës sociale dhe ndihmat për fëmijë

Shkup, 25 shtator – Zhurnal.mk – Ministria e Punës dhe Politikës Sociale (MPPS) informon se është në proces pagesa e tretë dhe e fundit shtesë nga mbrojta sociale dhe e fëmijëve për gushtin e këtij viti.

“Pagesa përfshin një shtesë të garantuar për fëmijë, shtesë speciale për shtatorin e vitit 2020, EPP për një të porsalindur, shtesë prindërore për fëmijën e tretë, shtesë prindërore për fëmijën e katërt, ndihmë minimale të garantuar GMP, kujdesi nga një i huaj, ndihmë e njëfishtë financiare, aftësi e kufizuar civile, sigurim shoqëror – pension social dhe kompensim me para për një familje përkujdesëse, informojnë Ministria.

Pagesa shtesë e të drejtave financiare nga mbrojtja sociale dhe e fëmijëve, siç theksojnë në kumtesë, është dedikuar për përdoruesit që ishin klientë të EUROSTANDARD BANKËS SHA Shkup, ndërsa të cilët brenda afatit të caktuar, deri më 25 gusht, nuk arritën të hapin një llogari të re transaksioni në një bankë tjetër ose të lidhin llogari ekzistuese të transaksionit në një bankë tjetër për pagesën e të drejtave monetare.

Nga MPPS kumtuan se paraprakisht në takim koordinues me bankat, Ministria e Financave dhe BPRMV-së ranë dakord që pagesa e të drejtave financiare nga mbrojtja sociale, mbrojtja e fëmijëve dhe familjet përkujdesëse për gusht të këtij viti të bëhet në data shtesë më 11, 18 dhe 25 shtator, me ç’rast të dhënat për përdoruesit nga bankat në Ministri të dorëzohen më 7, 14 dhe 21 shtator të këtij viti

Marketing 2/1

Marketing 2/2

Marketing 2/1

Marketing 2/2

Z H

Lajmet e fundit

Loading...