Agjencia Zhurnal.mk
Bota

FMN-ja: Ekonomia kineze do të rritet 8.4 % sivjet

Fondi Monetar Ndërkombëtar parashikon se ekonomia e Kinës do të rritet me 8.4 për qind në vitin 2021, sipas përditësimit më të fundit të raportit “Perspektiva ekonomike botërore”, të publikuar në fillim të mbledhjeve pranverore të FMN-së dhe Bankës Botërore të martën.

Kjo shifër është 0.3 pikë përqindjeje më shumë se parashikimi i FMN-së në janar.

Ajo do të shënonte nivelin më të lartë të rritjes së ekonomisë kineze që nga viti 2011, sepse sipas FMN-së, “masat efektive të kontrollit, një përgjigje e fuqishme e investimeve publike dhe mbështetja me likuiditet e bankës qendrore kanë lehtësuar një përtëritje të fortë”.

Kina pati një rritje të PBB-së prej 2.3 për qind në vitin 2020, duke u bërë e vetmja ekonomi e madhe në botë që u rrit vitin e kaluar.

“Midis tregjeve të reja dhe ekonomive në zhvillim, Kina ishte tashmë kthyer në nivelin e PBB-së para COVID-19 në vitin 2020, ndërsa shumë ekonomi të tjera pritet ta arrijnë një gjë të tillë vetëm në vitin 2023”, tha FMN-ja, duke theksuar se parashikimi i saj për Kinën është shumë më i lartë sesa për ekonomitë e tjera kryesore, përfshirë Shtetet e Bashkuara, Gjermaninë dhe Francën, edhe pse më i ulët se parashikimi për Indinë.

Ekonomia e dytë më e madhe në botë ka përcaktuar si objektiv një rritje të PBB-së mbi 6 për qind për vitin 2021, ndërsa rimëkëmbja e saj vazhdon të përshpejtohet.

Postime të ngjashme

Spanja do të falë politikanët e dënuar katalanas

Dafina Vidishiqi

India vaksinoi mbi 8 milionë njerëz në një ditë

Dafina Vidishiqi

SHBA, BE, Kanadaja dhe Britania, sanksione të përbashkëta kundër Bjellorusisë

Dafina Vidishiqi

Vuçiq pritet të flasë para deputetëve për dialogun me Kosovën – por çfarë kishte thënë në vitin 2019?

Dafina Vidishiqi

Kryeministri britanik: Besojmë se më 19 korrik do të kemi lehtësim të masave kundër COVID-19

Dafina Vidishiqi

Rusia ndalon një OJQ arsimore amerikane

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...