Agjencia Zhurnal.mk
Bota

Forcat azere futen në distriktin e dytë të dorëzuar nga Armenia

Forcat e Azerbajxhanit janë futur në distriktin e dytë nga tri distriktet që do të dorëzohen nga Armenia sipas marrëveshjes së paqes, e cila u dha fund luftimeve që zgjatën rreth gjashtë javë.

Ministria e Mbrojtjes e Azerbajxhanit tha të mërkurën se njësitet e ushtrisë azere kanë hyrë në distriktin Kalbacar, sipas marrëveshjes së ndërmjetësuar nga Rusia që u nënshkrua më 10 nëntor.

Ky distrikt, që shtrihet mes Armenisë dhe Nagorno-Karabakut, fillimisht ishte planifikuar të dorëzohej më 15 nëntor, por afati u shtye nga Azerbajxhani për arsye humanitare, shkruan Free Europe, transmeton Gazeta Express.

“Puna inxhinierike është përfunduar për t’u siguruar lëvizja e njësive tona. Rrugët e vështira malore përgjatë vijës nga do të lëvizion trupat janë duke u pastruar nga minat dhe duke u përgatitur për përdorim”, thuhet në deklaratën e Ministrisë së Mbrojtjes.

Armenia u pajtua që t’i dorëzonte tri distrikte që shtrihen përreth Nagorno-Karabakut – Agdamin, Kalbacarin dhe Lachinin – pas gati tri dekadave të kontrollit.

Rajoni Agdam është marrë nën kontrollin e forcave azere më 20 nëntor, ndërsa rajoni Lachin do të merret nën kontroll më 1 dhjetor.

Besohet se mbi 2.000 persona, shumica ushtarë, janë vrarë gjatë luftimeve që shpërthyen më 27 shtator. Komuniteti ndërkombëtar vazhdimisht ka bërë thirrje për ndërprerje të dhunës dhe gjetje të një zgjidhjeje paqësore për një ndër konfliktet më të ndërlikuara në rajonin e Euroazisë.

Postime të ngjashme

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

Macron: Vizitori i parë i kancelares në Berlin

Dafina Vidishiqi

BE humb betejën ligjore ndaj kompanisë AstraZeneca për furnizimin me vaksina

Dafina Vidishiqi

Udhëtarët nga Mbretëria e Bashkuar do të duhet të hyjnë në karantinë me të mbërritur në Itali

Dafina Vidishiqi

Guterres riemërohet Sekretar i Përgjithshëm i OKB-së

Dafina Vidishiqi

Minatorët gjejnë diamant në Botsvana, mund të jetë i treti më i madh në botë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...