Negotibë, 18 korrik – Formohet shtabi rajonal i krizës për zjarret në vend me seli në Kavadar. Me shtabin e krizës do të koordinojë kryetari Mitko Jançev. Ky është vendim që mbrëmë është marrë në takimin koordinues për zjarret, të mbajtur në Negotinë.
Për seancën ka informuar kryetari i Komunës së Kisella Vodës, Orce Gjorgjievski përmes profilit të tij në Fejsbuk. Siç thekson, kanë marrë pjesë ministri i Punëve të Brendshme, Pançe Toshkovski, ministri i Mbrojtjes, Vllado Misajllovski, drejtori i QMK-së Stojançe Angellov, komandantët e NJTZ dhe kolegët kryetarë komunash nga komunat që janë të përfshira me zjarret kritike.
“Sipas udhëzimeve të Qeverisë dhe kryeministrit Hristijan Mickoski, ne i kemi vendosur konturet e aksionit tonë dhe nga sonte po fillojmë të ndërmarrim aksione. Në terren do të jemi ne pjesëtarët e Forcave të armatosura, të MPB-së, aeroplanët e dërguar nga vendet tona mike dhe objektet tona, si dhe zjarrfikësit, ndaj të cilëve duhet të shpreh respekt të thellë për sakrificën dhe luftën e tyre në përballjen me flakët”, ka shkruar Gjorgjievski.