Agjencia Zhurnal.mk
Bota

Franca i thotë Turqisë se nuk do të dorëzohet ndaj “përpjekjeve të frikësimit”

Zhurnal Ads

Franca do të vazhdojë luftën e saj kundër ekstremizmit islamik, pavarësisht kritikave nga presidenti i Turqisë, Recep Tayyip Erdogan, dhe nuk do të dorëzohet në “përpjekjet e destabilizimit dhe kërcënimit”, tha të mërkurën, zëdhënësi i qeverisë franceze, Gabriel Attal.

Franca “kurrë nuk do të heqë dorë nga parimet dhe vlerat e saj”, tha Attal pas një takimi të kabinetit qeveritar, duke theksuar “një unitet të fortë Evropian” kundër dhunës islamike, raporton AFP. Franca është tronditur këtë muaj nga prerja e kokës së një mësuesi nga një militant islamik, i cili është hakmarrë për përdorimin e karikaturave të Profetit Muhamed në një orë për lirinë e shprehjes.

Vrasja e tij shkaktoi zemërim në Francë, e cila është përballur me një valë sulmesh xhihadiste që nga masakra e janarit 2015 ndaj 12 personave në zyrat e së përjavshmes satirike Charlie Hebdo.

Gazeta, e cila kishte nxitur zemërimin e myslimanëve, në të gjithë botën, pas botimit të karikaturave të Profetit Muhamed. Revista ribotoi karikaturat muajin e kaluar, për të shënuar hapjen e një gjykimi për bashkëpunëtorët e dyshuar në sulmin e Charlie Hebdo.

Presidenti francez, Emmanuel Macron mbrojti fuqishëm traditën e shtetit laik në Francë dhe u zotua se do të godiste radikalizmin islamik, në veçanti duke mbyllur xhamitë e dyshuara për nxitjen e ideve ekstremiste.

Kjo e shtyu Erdoganin të akuzonte Macron për shënjestrimin e padrejtë të komunitetit mysliman të Francës.

Charlie Hebdo nxiti më shumë kritika nga Turqia, kur të mërkurën, në faqen e parë, botoi ​një karikaturë të Erdoganit, në të cilën ai paraqitej duke pirë një birrë në të brendshme, ndërsa me dorën tjetër ngriste fustanin e një gruaje të veshur me hixhab.

Turqia ka akuzuar revistën franceze Charlie Hedbo, për “racizëm kulturor”./rel/

Zhurnal Ads
Zhurnal Ads

Postime të ngjashme

BE-ja: Azerbajxhani dhe Armenia të ruajnë armëpushimin

S.B.

Disneyland mbyllet përsëri për shkak të COVID-19

S.B.

Erdogan dhe Putin biseduan në telefon për çështje aktuale të ‘nxehta’

S.B.

Greqia merr 8 mijë dozat e para të vaksinës Moderna

T E

Trafiku ajror në vitin 2020 më pak fluturime, më shumë aksidente

T E

Kina mbetet shtylla e rëndësishme e industrisë botërore të automjeteve

Z H
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...