Fundoset anija më e madhe e marinës së Iranit

Tymi nga anija iraniane Kharg, e cila u dogj dhe u fundos në Gjirin e Omanit, 2 qershor, 2021.

Anija më e madhe e marinës iraniane u fundos në Gjirin e Omanit, pasi fillimisht u përfshi nga flakët, në rrethana ende të panjohura.Marina tha se 20 marinarë nga një ekuipazh prej 400 vetësh, kanë pësuar lëndime sipërfaqësore, përpara se të shpëtoheshin të gjithë.

Zjarri shpërtheu në dhomën e motorit, tha marina, por nuk dha më shumë detaje.

“Zjarrfikësit luftuan 20 orë për të shuar zjarrin”, thuhet në deklaratë.

Sipas mediave iraniane, zjarri nisi rreth dy orë pas mesnatës së shkuar.

Anija mbante emrin e ishullit ku ndodhet terminali kryesor i naftës në Iran – Kharg.

Anija ndodhej afër portit iranian Jask, rreth 1,270 kilometra në juglindje të Teheranit, pranë ngushticës strategjike të Hormuzit.

“Anija stërvitore”, siç iu referua media shtetërore iraniane, u ndërtua në Britani në vitin 1977.

Ajo u përfshi në marinën iraniane në vitin 1984.

Related posts

Sondazhi: Optimizmi i biznesit amerikan në Kinë kthehet në nivelet më të larta në tre vjet

Z H

Kreu i ANEB-it në bisedime me Iranin për marrëveshjen bërthamore

D V

BE dhe partnerët duhet t’u japin afganëve rrugë drejt azilit, thotë von der Leyen

D V

This website uses cookies to improve your experience. We'll assume you're ok with this, but you can opt-out if you wish. Accept Read More