224
Shkup, 4 korrik – Sot nënshkrova kontratën me kompaninë “Fluid Proekt” për rikonstruktimin e Stadiumit të Çairit, një projekt i rëndësishëm për infrastrukturën sportive të komunës sonë.
Përmes këtij investimi do të vendoset bar artificial i gjeneratës më të fundit, me standarde të certifikuara ndërkombëtare. Projekti përfshin edhe përmirësime në infrastrukturën ndihmëse – ndriçim, sistem drenazhi, dhe elemente shtesë të sigurisë dhe funksionalitetit për sportistët dhe shikuesit.
Punimet do të përfundojnë brenda një afati prej 45 deri në 60 ditësh, duke mundësuar funksionalizimin e stadiumit për sezonin e ardhshëm sportiv dhe krijimin e kushteve të denja për të rinjtë dhe sportistët tanë.
