Gashi: Kësaj radhe të bashkuar si uragan shqiptar ta shenojmë fitoren e madhe të 17 tetorit

Shkup, 27 shtator – Kryetari i partisë, Alternativa, Afrim Gashi, ka përshëndetur grupin parlamentare të koalicionit opozitar për betejën që kanë bërë për ligjin me shtetësinë.

Gashi tha se kanë bërë historinë duke marrë pjesë si opozitë të bashkuar në zgjedhje lokale ata kanë bërë një hap historik.

“Ne kemi dërguar mesazh që bashkojmë zemra, që nuk ndajmë e përçajmë. Kështu duke qenë bashkë me të gjithë ata që janë këtu dhe na ndjekin, mendoj dhe jam i bindur se e kemi kryer gjysmën e punës për fitore në zgjedhjet e 17 tetorit”, tha Gashi, duke shtuar se gjysma tjetër drejt fitores është shumë e rëndësishme.
“Gjysma tjetër është të keni njerëz të mirë, program të mirë, ide dhe vizion se si mund t’i zhvillojnë komunat. Jam i bindur se duke e bërë bashkimin mes shqiptarëve dhe duke propozuar njerëz me cilësi të larta për kandidatë, jam i bindur se ne me 17 tetor hapërojmë shumë sigurt për një fitore të madhe”, deklaroi Afrim Gashi, raporton SHENJA.

Gashi ju drejtuar të gjithë atyre që nuk janë anëtar të partive politike por që janë njerëzit kryesor që vendosin për fitoren.

“Ne nuk jemi palë me juve. Ne ju ftojmë që të bashkoheni me ne, ne po dëshmojmë se jemi unfikuese, hajdeni bashkë t’i udhqëheqim komunat që të jetohet ndershëm dhe me dinjitet. Mos na shihni si palë, hajdeni bashke me çfarëdo ide që keni. Të trokasim në çdo derë, të thrasim dhe të flasim me çdo mik që e kemi. Është mirë që kësaj here bashkarishtë si uragan shqiptar ta shënojmë fitoren e madhe të 17 tetorit”, tha Gashi.

Related posts

Kasami: Synimi jonë është që Tetovën ta bëjmë EKO Komunë

D V

Mickoski: Populli është gjithnjë e më i varfër, jeton me 150 denarë në ditë

D V

Sadi Bexheti tregon projektet për Tetovën

D V

This website uses cookies to improve your experience. We'll assume you're ok with this, but you can opt-out if you wish. Accept Read More