Sezoni i Real Madridit është goditur me një dalje zhgënjyese nga Liga e Kampionëve dhe një humbje nga Barcelona në finalen e Copa del Rey.
Megjithatë, me La Ligën ende në garë, kryeqytetasit po vazhdojnë të shpresojnë se do ta fitojnë një trofe këtë sezon.
Aktualisht, Real Madridi ndodhet larg Barcelonës me katër pikë dhe për ta fituar titullin duhet të fitojnë të gjitha ndeshjet dhe të shpresojnë se katalunasit do të humbasin pikë.
Ata besojnë se nëse performojnë mirë në dy ndeshjet e tyre të rëndësishme, kundër Celtas të dielën dhe në El Clasico më 11 maj, “La Liga është e mundur!”
Ndërsa humbja e Copa del Rey ishte një goditje e madhe, Real Madridi tregoi se mund të konkurronte me Barcelonën, veçanërisht në pjesën e dytë dhe në kohën shtesë.
Kjo paraqitje ka ripërtërirë shpresën në skuadër se ata ende mund të luftojnë për titull.